هرات چې مخکې د هېواد د امن ولایتونو له ډلې یو و، خو اوس د نورو په څېر د طالبانو د سختو بریدونو شاهد دی.

د هرات د ملکیانو خوندیتوب ډلې نن له یوشمېر مدني ټولنو سره د ګډې خبري غونډې پر مهال په دغه ولایت کې د طالب ډلې د بریدونو زیاتوالي او ملکیانو ته د مرګ‌ژوبلې اوښتو په اړه اندېښنه ښيي او وايي، د تېر کال د تلې میاشتې له لومړۍ نېټې راهیسې ۷۳ ملکیان یوازې په هرات کې وژل شوي دي.

د دې ډلې په وینا، په یاده موده کې ۳۱۷ ملکیان د هرات په ښار او ولسوالیو کې ټپیان شوي هم دي. دوی له ښکېلو اړخونو غواړي چې د جګړې قوانین په پام کې ونیسي، څو ملکیانو ته مرګ‌ژوبله وا نه وړي.

د هرات د ملکیانو خوندیتوب ډلې غړی محمدآصف فیض‌یار وايي، په یوازې ۲۳ ورځو کې ۵ ملکیان وژل شوي او ۷۱ نور ټپیان دي.

د یادې ډلې یو بل غړی سیداشرف سادات په هرات کې د طالبانو له لوري د ملکیانو پر وړاندې تاوتریخوالي په اړه اندېښنه ښيي او وايي، ۹۰ سلنه تاوتریخوالی د خلکو د اوسېدو سیمو کې کېږي. هغه د جګړې له ښکېلو خواوو، په تېره طالب ډلې غواړي چې په روژه کې له تاوتریخوالي لاس واخلي.

د هرات یوشمېر مدني فعالان او د ښځو حقونو فعالانې هم له طالبانو غواړي چې په روژه کې اوربند وکړي او په استانبول غونډه کې د امتیاز ترلاسه کولو لپاره تاوتریخوالی ونه کړي.

په تېرو شپږو میاشتو کې ملکیانو ته د مرګ‌ژوبلې اوښتو تر څنګ، نظامیانو ته هم ډېره مرګ‌ژوبله اوښتې ده. د مسوولانو په وینا، له وروستیو شپږ میاشتو راهیسې د هرات په شینډنډ، پښتون زرغون، چشت، ګلران، کشک کهنه، کهسان او غوریان ولسوالیو کې د طالب ډلې بریدونو زور اخیستی او له کبله یې دواړو لوریو ته سخته مرګ‌ژوبله هم اوښتې ده.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام