پېښو ته د رسېدو په چارو کې د دولت وزارت له افغانستان سره د چین هېواد له لوري د خوراکي توکو د مرستې خبر ورکوي.

د یاد وزارت چارواکو نن په کابل کې د یوې خبري غونډې پر مهال وویل، چین د ۵۵۰ میلیونه افغانیو په ارزښت د خوراکې توکو یوه جوپه چې ۵ زره او ۲۶۶ مټریک ټنه دي، له افغان حکومت سره مرسته کړې ده.

پېښو ته د رسېدو په چارو کې د دولت وزیر غلام بهاوالدین جيلاني وایي، په دې مرسته کې ۱۲۸۴ مټریک ټنه غنم او ۳ زره ۹۸۲ مټریک ټنه يې چینايي وریجې شاملې دي.

جیلاني زیاتوي، د دغو مرستو وېش به په نږدې راتلونکي کې پیل شي او لومړيتوب به د هغو ولایتونو او سیمو اړمنو وګړو ته ورکول کېږي چې اقتصادي وضعیت یې خراب وي.

پېښو ته د رسېدو په چارو کې د دولت وزیر په خبره، د چین هېواد دا مرسته د هغه هوکړه‌لیک پر بنسټ شوې چې یاد وزارت د چین له هېواد سره څه موده وړاندې لاسلیک کړی و.

په افغانستان کې د چین سفیر وانګ  یو په دې غونډه کې وویل، هېواد يې له افغانستان سره نورو بشري مرستو ته هم ژمن دی.

پدې خبر پورې اړوند:

کلیدواژه‌ها: // // //

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام