د کرکټ ملي لوبډلې لوبغاړی نجیب تره‌کی ومړ

120742801_10157632376567555_3562377840662211462_n

د افغانستان د کرکټ ملي لوبډلې لوبغاړی نجیب تره‌کی چې د تېرې جمعې په ورځ جلال اباد ښار کې په يوه ټرافیکي پېښه کې ټپي شوی و، ومړ.

نوموړی د تېرې جمعې ورځې راهيسې په کوما کې و چې نن سهار وختي يې د ننګرهار په یو روغتون کې ساه ورکړه.

د افغانستان کرکټ بورډ وايي، د دې ادارې مشرتابه او ټول کارکوونکي د نجيب تره‌کي مړينه يوه ستره او نه‌جبرانېدونکې ضايعه بولي.

نجيب تره‌کی ۱۹۹۱ ميلادي کال کې زېږېدلی و چې نن د ۲۹ کلونو په عمر ومړ چې د افغانستان په کرکټ لوبډله کې يې د پيل توپوهنه کوله.

د نوموړي د جنازې لمونځ د ننګرهار د والي ضیاالحق امرخېل په امامتي په شېرزي لوبغالي کې ادا شو.

د نجيب تره‌کي پر مړينه ولسمشر غني او هېواد کې دننه او بهرنيانو خفګان ښودلی. ولسمشر محمد اشرف غني ويلي، نجیب الله تره‌کي د افغانستان د کرکټ ملي لوبډله کې د افغانستان لپاره ډېر ویاړونه راوړل او په نړیوالو ډګرونو کې یې ملي بیرغ ورپاوه.

ولسمشر زیاته کړې چې د تره‌کي مړینه د افغانستان او کرکټ لپاره یوه لویه ضایعه ده.

د يادولو ده چې نجيب تره‌کي افغانستان لپاره يوه شل اوریزه او ۱۲ يوه ورځنيو سیاليو کې برخه اخیستې وه.

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام