د هرات محلي چارواکي وايي چې د دغه ولایت په اسلام‌کلا ګمرک کې لسګونه ټانکرو او تاسیساتو اور اخیستی دی.

د هرات والي سیدعبدالوحید قتالي وايي، نن له غرمې وروسته په اسلام‌کلا ګمرک کې اور لګېدلی چې په وینا یې، د هوايي ځواک له مرستې پرته د مهارېدو وړ نه دی.

د هغه په خبره، د دې اورلګېدنې د مهارولو لپاره یې د بهرنیو چارو وزارت له لارې له ایران نه مرسته غوښتې ده، خو د ایران مشهد هم د دغه اور د مهارېدو امکانات نه لري. قتالي زیاتوي، اوس یې له بهرنیو ځواکونو مرسته غوښتې چې له هوا نه دا پراخه اورلګېدنه مهار کړي.

د هرات د والي په وینا، اوس د اورلګېدنې مهارول ورته لومړیتوب لري او په وینا یې، له کبله یې ډېر زیان اوښتی چې د اور له مهار وروسته به یې کچه روښانه شي. هغه وايي، تر اوسه د دې اورلګېدنې لامل، له کبله یې د اوښتې مرګ‌ژوبلې او زیانونو په اړه جزیات نشته.

په همدې حال کې د هرات د عامې روغتیا ریاست ویاند محمدرفیق شېرزی وايي، تر اوسه د دغه ولایت د کهسان ولسوالي روغتیايي مرکزونو ته لس ټپیان د اورلګېدنې له ځایه ور وړل شوي دي. د شېرزي په وینا، ښايي د دې پېښې له کبله د اوښتې مرګ‌ژوبلې کچېه لوړه شي.

د سیمې اوسېدونکو هم ویلي چې د ګازو د ټانکرو یوشمېر چلوونکي هم په دې اورلګېدنه کې سوځېدلي دي.

په همدې حال کې د هرات د سوداګرۍ او صنایعو خونه وايي چې د لومړنیو ارزونو پر بنسټ، تر اوسه د یادې اورلګېدنې له کبله له ۵۰ میلیونه ډالرو ډېر زیان سوداګرو ته اوښتی دی.

د هرات د سوداګرۍ او صنایعو خونې رییس یونس قاضي‌زاده سلام‌وطندار ته ویلي، که څه هم تر اوسه د دې اورلګېدنې له کبله د اوښتو زیانونو کره شمېرې نه دي روښانه، خو په اسلام‌کلا ګمرک کې د سوداګرو د تېلو او ګازو ټانکرونه سوځېدلي دي. هغه پر حکومت نیوکه کوي، سره له دې چې د اسلام‌کلا ګمرک د توکو د اېستلو لپاره لازم ځای نه لري، خو په وینا یې، په دې برخه کې بې‌غوري شوې ده.

د هرات والي هم د دې اورلګېدنې له کبله د اوښتو زیانونه کچه لوړه بولي او وايي، د اور له مړ کولو وروسته به یې دقیقه کچه په ډاګه شي.

پدې خبر پورې اړوند:

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام