Asset 1SWN

د بدخشان د وزلوبې مخکښ آس ته زهر ورکړل شوي

178738355_2984476838493037_8622002314708094456_n-p69uw45f2jwsphqquqyy8fkgppffqla71nvhgpwcr8

د بدخشان د وزلوبې لوبډلې مسوولان وایي چې د دغې لوبډلې مخکښ او چټک آس چې په دغه ولایت کې په «وخش ستوري» مشهور و، د زهرو د ورکړې له امله له منځه وړل شوی دی.

دغه آس د بدخشان لوبډلې تر ټولو نوموتی آس و او شهرت یې لا هلته ډېر شو چې د کابل په کوربه‌توب یې د وزلوبې لیګ په وروستیو سیالیو کې د دغه ولایت لپاره ښې لوبې وکړې. د دغه آس د مړینې خبر د ټولنیزو رسنیو د کاروونکو پراخ غبرګونونه راپارولي دي.

د بدخشان د وزلوبې فدراسیون مسوول حاجي محمد طاهر سلام‌وطندار ته ويلي، د دغه آس مالک په لومړیو کې هغه په ۵۳ زره امریکایي ډالرو پېرلی و. د طاهر په خبره، په وزلوبو کې د دغه آس د ښو لوبو له کولو وروسته یې بیه ۹۵ زره امریکایي ډالرو ته لوړه شوه.

طاهر زیاتوي، د دغه آس مالک پر دې باور و چې یاد آس یوازې د ده نه دی، بلکې په ټولو بدخشانیانو پورې تړاو لري. د وخش ستوري په نوم دغه آس د وزلوبې تر ټولو غښتلی او پیاوړی آس ګڼل کېده.

دغه آس د زهرو په وسیله له منځه وړل شوی او تر اوسه یې عامل نه دی معلوم.

مرتبط با این خبر:

کلیدواژه‌ها: // // // //

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام