تخار؛ طالبانو د احمدشاه مسعود په مرکز کې د هغه تصویر ټوټه کړی

download-2

یوې سرچینې چې نه یې غوښتل نوم یې یاد شي، سلام‌وطندار ته ویلي چې طالبانو د ملي قهرمان احمدشاه مسعود حکاکي شوی تصویر د تخار په چمن خسده سیمه کې چې هغه د قوماندانې مرکز و، ټوټه ټوټه کړی دی.

دغې ډلې دغه راز هغه دېوال هم وران کړی چې د یاد تصویر پرې لګېدلی و. د تخار محلي چارواکو زموږ اړیکې ځواب نه کړې او طالب ډلې هم تر اوسه په دې اړه څه نه دي ویلي.

د سلام‌وطندار پښتو فېسبوک‌پاڼه وڅارئ

طالبانو له افغانستانه د امریکايي ځواکونو د وتلو نېټې له اعلان وروسته پر شمالي ولایتونو یرغل وکړ او د بغلان، کندوز، تخار او بدخشان یوشمېر ولسوالۍ یوه پر بلې پسې ونیولې.

د تخار چمن خسده یوه سټراټېژیکه سیمه ګڼل کېږي چې د احمدشاه مسعود قومانداني هم په‌کې وه.

طالبانو د چمن خسده له نیولو وروسته د احمدشاه مسعود په کوټه کې غونډه جوړه کړه چې د دې ډلې دغه کار د خلکو او ټولنیزو رسنیو د کاروونکو له غبرګون سره مخ شو.

به اشتراک بگذارید:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
اخبار و تحلیل‌های مرتبط

اخبار و گزارش‌های سلام وطن‌دار را از شبکه‌های اجتماعی دنبال کنید:

فیسبوک

توییتر

تلگرام