د بدخشان د مرکز فیض‌اباد ښار یوشمېر نجونې وایي، په دغه ولایت کې د دوی لپاره د سپورټ اسانتیاوې نشته او له سپورټ نه بې‌برخې دي. د دوی په وینا، دولت باید د ښځینه‌وو لپاره د سپورټ ځانګړي کلپونه جوړ کړي، څو د خپلې سلامتیا لپاره سپورټ وکړي.

د بدخشان یوه اوسېدونکې فرېبا وايي، په یاد ولایت کې د نارینه‌وو لپاره د سپورټ کلپونه او لوبغالي شته، خو د نجونو لپاره په دې برخه کې هېڅ پام نه دی شوی او د دغه ولایت د سپورټ ادارې هم کوم کار نه دی کړی.

د بدخشان یوه بله اوسېدونکې کریمه که څه هم له سپورټ سره مینه لري، خو په دغه ولایت کې د نجونو د سپورټ لپاره د ځانګړو ځایونو نه موجودیت له کبله سپورټ نه شي کولای. هغه وايي، د بدخشان د سپورټ کمېټه باید د نجونو دې غوښتنې ته د رسېدو لپاره جدي ګامونه اوچت کړي.

د بدخشان د سپورټ کمېټې امر عبدالبصیر نیرومند هم وايي چې په دغه ولایت کې د ښځو او نجونو لپاره د ځانګړي کلپ جوړېدل یې لومړیتوب دی او تل یې دا غوښتنه کړې ده.

د هغه په خبره، ښځې او نجونې د سپورټ لپاره د ځانګړي کلپ جوړېدو په اړه ورته مراجعه کوي، خو دوی یې غوښتنې نه شي پوره کولای. نیرومند زیاتوي، یاده ستونزه یې څو ځله د بدخشان له ولایتي چارواکو او پرمختیايي ادارو سره شریکه کړې او ان د دغه ولایت د سپورټ کمېټې په پرمختیايي پروګرام کې یې هم شامله کړې ده.

نوموړی وايي، سپورټ د ښځو مسلم حق دی او د بدخشان د سپورټ ادارې په دې برخه کې د نارینه‌ او ښځو ترمنځ هېڅ توپير نه دی کړی. د دغې ادارې مسوول وايي، د ۱۴۰۰ او ۱۴۰۱ کلونو په پروګرامونو کې یې د ښځو لپاره د ځانګړي کلپ جوړېدو موضوع شامله کړې، خو په وینا یې، روښانه نه ده چې په کوم کال کې به عملي شي.

شریک یې کړی:
به اشتراک گذاری بر روی facebook
به اشتراک گذاری بر روی twitter
به اشتراک گذاری بر روی telegram
به اشتراک گذاری بر روی whatsapp
به اشتراک گذاری بر روی email
به اشتراک گذاری بر روی print
د نن ورځې خبرونه
تحلیلونه او خبري راپورونه

خبرونه د ټولنیزو شبکو سایټونو سلام دوستانو تعقیبوي:

فیسبوک

توییتر

تلگرام