د ولسي جرګې رییس میررحمان رحماني نن شنبه په هېواد کې د جګړې په اړه د جرګې په عمومي غونډه کې وویل چې د افغان ـ امریکايي پوهنتون له دوو استادانو سره د درېوو طالب بندیانو د تبادلې ځنډېدل ښيي چې طالبان پر خپله ژمنه نهدي ولاړ او د سولې او جګړې په برخه کې د پرېکړې واک نه لري.
د نوموړي په وینا، دا هم شونې ده چې د امریکايي پوهنتون استادان ژوندي نه وي او له کبله یې د دواړو لوریو ترمنځ د بندیانو تبادله ځنډېدلې وي.
په ورته وخت کې د طالبانو ویاند ذبېحالله مجاهد د جمعې په ورځ رسنیو ته ویلي چې د دواړو خواوو ترمنځ د بندیانو تبادله ځنډېدلې او امریکايي چارواکي یې باید په اړه سپیناوی وکړي چې ولې د افغان ـ امریکايي پوهنتون له دوو استادانو سره د حقاني شبکې د درېوو غړیو تبادلې ته حاضر نه شول.
هڅه مو وکړه چې په دې اړه د ارګ نظر هم واخلو، خو له پرلهپسې اړیکو سره سره ونه توانېدو.
په کابل کې د افغان ـ امریکايي پوهنتون دوه استادان کوین کینګ او تیموتي ویکس د ۲۰۱۶ کال په اګېسټ میاشت کې وتښتول شول.
د طالبانو په وینا، امریکا تراوسه د بندیانو تبادلې په تړاو پر خپله ژمنه عمل نهدی کړی.
ولسمشر محمداشرف غني تېره اوونۍ په مشروط ډول له بګرام زندان نه د انس حقاني، مالي خان او حافظ عبدالرشید د خوشې کېدو اعلان وکړ چې پراخ مثبت او منفي غبرګونونه یې هم له ځانه سره لرل.
اړوند مطالب:
