یوې حکومتي سرچینې چې نه غواړي نوم یې یاد شي، رسنیو ته ویلي چې د امریکا او طالبانو ترمنځ د سولې هوکړهلیک مسوده افغان حکومت ته رسېدلې او ټاکل شوې دغه هوکړهلیک د اختر په څلورمه یا پنځمه لاسلیک شي.
د سرچینې په وینا، د یاد هوکړهلیک له مخې به پنځه زره امریکايي سرتېري په څلورو میاشتو کې له افغانستانه ووځي.
سرچینه زیاتوي، په هوکړهلیک کې راغلي چې طالبان به له افغانستانه د امریکايي ځواکونو د وتلو پر مهال پر هغوی بریدونه نه کوي.
اړوند مطالب:
ملګري ملتونه، روسيه او چین د سولې هوکړه لیک ضمانت کوي
سټولټنبرگ: د سولې له هوکړې وړاندې څه نه شو ویلای
خلیلزاد له پاکستان او افغان حکومته ضمانت غوښتی
سرچینه وايي، په هوکړهلیک کې له افغان حکومت نه هم غوښتل شوي چې په دوو اوونیو کې له ۵ تر ۱۰ زرو طالب بندیان خوشې کړي.
سرچینې زیاته کړې، که څه هم د امریکا او طالبانو په هوکړهلیک کې له طالبانو غوښتل شوي چې له القاعده شبکې سره خپلې اړیکې پرې کړي، خو له داعش ډلې سره بیا د هغوی د اړیکو په اړه څه نهدي ویل شوي.
د سرچینې د وینا له مخې، په یاد هوکړهلیک کې طالب ډله د اسلامي امارت په نوم یاده شوې ده.
ولسمشرۍ ماڼۍ او طالبانو تراوسه پهدې اړه څه نهدي ویلي.
