د ولسمشر دویم مرستیال سرور دانش نن د اماماعظم د نړیوال سمپوزیم په لومړنۍ غونډه کې چې د افغانستان او نړۍ هېوادونو د علماوو په ګډون په کابل کې جوړ شوی و، وویل چې اماماعظم د بیان پر ازداي باور درلود او یو اعتدالګرا شخصیت و.
دانش دغه راز طالبانو ته خبرداری ورکړ، که د سولې لار غوره نهکړي او له افغان حکومت سره مخامخ خبرو ته حاضر نهشي، افغان ځواکونه مسوولیت لري چې د هېواد له خپلواکۍ او ملي نوامیسو دفاع وکړي.
په همدې حال کې د عراق په پلازمینې بغداد کې د امامابوحنیفه جامع جومات خطیب عبدالسلام عبدالجبار چې په دغه سمپوزیم کې یې ګډون کړی و، وویل، که څه هم امامابوحنیفه عرب نه و، خو د عربي علماوو استاد و او د نړۍ ټول مسلمانان سره ورونه دي.
ټاکل شوې د اماماعظم نړیوال سمپوزیم د دوو ورځو لپاره په کابل کې د لویې جرګې په خیمه کې دوام وکړي.
