افغانستان بوییچه امیریکه قوشمه ایالت‌لری خلق ارا کینگیتیریش یاردم‌لر اداره‌سی (USAID) باشلیغی ویلیام هامنک‌نینگ، سلام‌وطندار بیلن اوتکزگن خاص صحبتیده ایتیشیچه، مذکور اداره، ملی بیرلیک حکومت‌نینگ تیزلیکده تونیق‌لیک تأمین‌لنیشی و یاردم‌لردن یخشی صورتده فایده‌لنیشی خصوصیده بولگن هرتامانلمه اصلاحات‌لریدن حمایت قیله‌دی.
جناب هامنک، میلادی 2013- ییل جولای آیی‌دن بویان افغانستان بوییچه امیریکه قوشمه ایالت‌لری خلق ارا کینگیتیریش یاردم‌لر اداره‌سی باشلیغی صفتیده ایشله‌یدی. او، سوزلری دوامیده آست قوریش‌لر، ساغلیک وضعیتی یخشی‌لنیشی، معارف کوچلنیشی، اقتصادی لایحه‌لر، یخشی حکومتدارلیک و مدنی جماعه‌چیلیک‌نی کوچلنتیریش خصوصیده اوزاق مدت‌لی همکارلیک‌لرنی تیلگه آلگن.
جناب هامنک، نیچه آی آلدین افغانستان ملی بیرلیک حکومت باشلیغ‌لری‌نینگ امیریکه‌گه قیلگن سفری توغری‌سیده سوز یوریتیب، جناب غنی و عبدالله امیریکه جمهور رییسی اوباما بیلن اوچره‌شگن چاغیده، امیریکه تامانیدن افغانستان‌گه اداری اصلاحات‌لر و تونیق‌لیک تأمین‌لنیشی خصوصیده 800 میلیون دالر یاردم بیریلیشی‌گه قرار قیلینگن.
(USAID) باشلیغی‌نینگ ایتیشیچه، بو اداره تشقی کوچلر افغانستان‌دن چیقگن صورتده هم یاردم‌لریگه دوام بیره‌دی. انچه پیت آلدین، ملی بیرلیک حکومت باشلیغ‌لری یاردم بیرووچی مملکت‌لردن افغانستان‌ده حیاتی و استراتیژیکی ریجه‌لردن حمایت ایتیش‌لرینی سوره‌گن ایدی.
ناتونینگ افغانستان‌ده 13 مینگ حربی عسکری بار و بو جمله‌دن 9800 ته‌سی امیریکه‌لیک دیر. اوشبو کوچلر افغانستان‌ده مخدره ماده‌گه قرشی کوره‌شیش و مصلحت بیریش خصوصیده ایشله‌یدی. امیریکه دولتی‌نینگ قراری‌گه کوره، مذکور مملکت امنیتی کوچلری میلادی 2016- ییل اداغیگچه افغانستان‌دن چیقاریله‌دی.
افغانستان بوییچه امیریکه قوشمه ایالت‌لری خلق ارا کینگیتیریش یاردم‌لر اداره‌سی باشلیغی‌نینگ ایتیشیچه، افغانستان دولتی و یاردم بیرووچی مملکت‌لر، ملکی خذمت‌لر تیزیمی و مالی عمومی مدیریت توزه‌لیشی توغری‌سیده ایشله‌یدی. جناب هامنک، افغانستان‌گه قرشی قیین‌چیلیک‌لر جمله‌دن ناگرانلیک، سوادسیزلیک و ایکینچیلیک اقتصادی توغری‌سیده اشاره قیلیب ایتیشیچه، بیش یاشردن قویی باله‌لردن 42 فایزی ناگرانلیکدن رنج ایلتهدی؛ ایکینچیلیک اقتصادی، حاضرگچه ایاق اوستیگه توختمه‌گن و سوادسیزلیک میزانی هم یوقاری درجه‌ده قرار تاپگن.
بیر دهه‌دن بویان، امیریکه قوشمه ایالت‌لری خلق ارا کینگیتیریش یاردم‌لر اداره سی، افغانستان‌ده قیته قوریش ایشلرگه طرفدار بولگن، جناب هامنک‌گه کوره، افغانستان‌ده ایکینچیلیک‌نی کوپه‌یتیریش مذکور اداره‌نی اساسی ایشلریدن بیری بولگن. انه شو سبب (USAID) اداره‌سی ایکینچیلیک محصولاتی کوپه‌ییشی و کینگیتیریلیشی خصوصیده ایکینچیلرگه یاردم بیرگن.
شونینگ‌دیک ویلیام هامنک‌نینگ، افغانستان‌نی برق احتیاجی توغری‌سیده ایتیشیچه، افغانستان باد و قویاش آرقه‌لی برق تأمین‌لش خصوصیده کوپینچه ظرفیت‌گه ایکه بولگن؛ بیزلر دولت اداره‌لری و خصوصی بولیم‌لر بیلن اوچره‌شگن چاغده، اوشبو منبع‌لردن قنقه صورتده فایده‌لنیش توغری‌سیده بحث اوتکزیب و امید بیلدیره‌میز کیم، باد و سوو منبع‌لری قوریلگن صورتده، افغانستان احتیاجی تشقی مملکت‌لردن آلیب کیلینه‌دیگن برق توغری‌سیده کمه‌ییشی ممکن.
افغانستان قیته قوریش‌لر خصوصیده، امیریکه‌لیک عمومی تیکشیروچی اداره (سیگار) تامانیدن حاضرگچه نشر ایتیلگن گزارشلرده ادعا قیلینیشیچه، افغانستان‌ده میلیون‌لرچه دالر ناقانونی صورتده خرچ بولگن. جناب هامنک‌گه کوره، (USAID) هردایم تیکشیروچی‌لر حرکتی‌نی خوش قرشی‌له‌یدی و افغانستان وزیرلیک‌لری بیلن بیرگه‌لیکده جواب بیرووچی معلومات‌لر توغریلیگی خصوصیده ایشله‌یدی و برچه بیریلگن یاردم‌لرنی دقت بیلن تیکشیره‌دی.
جناب هامنک‌گه کوره، امیریکه قوشمه ایالت‌لری خلق ارا کینگیتیریش یاردم‌لر اداره‌سی، اوزاق ییل‌لرگچه افغانستان خلقی یانیده قالیب و بو مملکت‌نی یالغیز قویمه‌یدی.
