آسوشیتدپرس آژانسی تامانیدن بیریلگن گزارش گه کوره، طالبان گروهی نینگ رهبرلیک کینگشی آتیش‌کیسین گه موافقت بیلدیرگن.
آسوشیتدپرس خبری آژانسی نینگ گزارشی‌ده ایتیلیشیچه، طالبان گروهی نینگ رهبرلیک کینگشی، اوتگن کون «یکشنبه، 8- جدی» وقتینچه‌لیک آتیش‌کیسین توغریسیده کیلیشگن.
شو یوزه‌دن تینچلیک کیلیشوونامه‌سی امضاءلنیشیدن آلدین آتیش‌کیسین اعلان ایتیلیشی خصوصیده، آمریکا قوشمه ایالت‌لری نینگ ایسته‌گی گه طالبان گروهی رهبرلیک کینگشی‌نینگ موافقتی باعث، آمریکا و طالبان گروهی آره‌سیده تینچلیک کیلیشوونامه‌سی امضاءلنیشی گه زمینه یره‌تیلگن.
آسوشیتدپرس خبری آژانسی نینگ گزارشی اساسیده، آتیش‌کیسین برقرار ایتیلیش زمانی حاضرگه‌قدر بیللی بولمه‌گن، بیراق بو آتیش‌کیسین 10 کون اوچون برقرار ایتیلیشی ممکن. عین دمده، باشقه بیرقطار گزارشلرگه کوره، طالبان گروهی نینگ قطرده‌گی سیاسی دفترینی باشلیغی ملاعبدالغنی برادر شامل اوشبو گروه نینگ 4 مذاکره قیلووچی اعضاسی، اوتگن هفته پاکستان نینگ کویته و پشاور شهرلریده وقتینچه‌لیک آتیش‌کیسین توغریسیده طالبان گروهی نینگ ییریک رهبرلری بیلن مصلحت قیلیشگن.
بیراق، بی‌بی‌سی تامانیدن بیریلگن گزارش اساسیده، وقتینچه‌لیک آتیش‌کیسین مسئله‌سی طالبان گروهی نینگ سیاسی و حربی بولیمی آره‌سیده قره‌مه قرشی‌لیک‌که سبب بولگن. عین حالده، قطرده طالبان گروهی نینگ سیاسی دفتری سوزلاوچیسی سهیل شاهین تامانیدن بولگن توییتده یازیلیشیچه، میدیالردن بیرقطاری مش-مش‌لر اساسیده، گزارش بیریشه‌دی و بولرنی حقیقتی یوق دیر.
طالبان گروهی گه یقین کیشی‌لردن بیری سیداکبر آغانینگ ایتیشیچه، وقتینچه‌لیک آتیش‌کیسین حاضرگه‌قدر احتمالی ورینت بولگن.
طالبان گروهی‌نی اوشبو سابق قومندانی نینگ ایتیشیچه، « طالبان گروهی آتیش‌کیسین کیلیشوونامه امضاءلنگنیدن سونگ، بولیشی‌نی ایسته‌یدی، بیراق آمریکالیک‌لر آتیش‌کیسین کیلیشوونامه امضاءلنیشیدن آلدین برقرار ایتیلیشی‌نی طلب قیله‌دی. می‌نینگ فکریمچه، بو قره‌مه قرشی‌لیک‌لر حاضرهم اوز جاییده و آتیش‌کیسین احتمالی ورینت بولگن و مذاکره باشلنگنیدن سونگ، عمل‌گه آشیریلیش زمانی بیللی بولیشی ممکن.»
سیداکبر آغاگه کوره، آتیش‌کیسین برقرار ایتیلگن صورتده، طالبان گروهی نینگ جنگریلری سنگرده قالیشه‌دی و شهرلرگه کیریش‌لری خصوصیده، رخصت بیریلمه‌یدی. اونینگ ایتیشیچه، 1397- ییل روزه بیره‌م هییتی‌ده بولگن اوچ کونلیک آتیش‌کیسین گه قرشی طالبان گروهی نینگ اعضالری گه جدی چیکلاولر تعیین ایتیله‌دی.
سلام‌وطندارگه صحبت بیرگن تینچلیک ایشلری بوییچه دولت وزیرلیگی سوزلاوچیسی ناجیه انوری نینگ ایتیشیچه، سوزلشوولر آلغه آلیب باریلیشی اوچون مناسب شرایط یره‌تیلگن. خانم انوری نینگ آتیش‌کیسین توغریسیده ایتیشیچه، اولرنینگ معلوماتی اساسیده، طالبان گروهی حاضرگه‌قدر بو توغریده کیلیشووگه ایریشمه‌گن.
آمریکا قوشمه ایالت‌لری و طالبان گروهی آره‌سیده تینچلیک کیلیشوونامه‌سی امضاءلنگنیدن سونگ، چیت‌ایللیک کوچلر کمه‌ییشی و آمریکا تأریخی نینگ اینگ اوزون اوروشی یکونلنیشی گه فرصت یره‌تیلیشی ممکن. افغانستان دولتی نینگ اعلان قیلیشیچه، آمریکا و طالبان گروهی نینگ کیلیشوونامه‌سی نهایی بولگنده، تینچلیک بوییچه مذاکره قیلووچی هیأت نینگ رویخطی نشر ایتیله‌دی.
