بوگون «سهشنبه» تینچلیک و مصلحت نامیده یولگه قوییلگن ییغینده افغانستان غرب زونی عالملر کینگشی باشلیغی خداداد صالح نینگ ایتیشیچه، تینچلیک سیاستچیلرنینگ گرویدن چیقاریلیشی کیرهک.
جناب صالح گه کوره، تینچلیک نیچه کیشی نینگ گرویده بولیب و جماعه نینگ بوتون قشرلری اشتراک قیلمهگن صورتده، هیچ بیر نتیجه بیرمهدی.
اونینگ ایتیشیچه، اوزلرینی تینچلیک ایلچیلری دییشگن سیاستچیلر، تینچلیک جریانینی گروگه آلیشگن.
غرب زونی بوییچه عالملر کینگشی باشلیغی نینگ ایتیشیچه، مملکت ده تینچلیک تأمینلنیشی اوچون بیرینچیدن حکومت و طالبان آرهسیده وقتینچهلیک آتیشکیسین برقرار ایتیلیب و افغانستاندن چیتایللیک کوچلر چیقیشی کیرهک.
اوشبو ییغینده طالبان گروهی نینگ سابق رسمیلریدن بیری سیداکبرآقانینگ ایتیشیچه، قطرنینگ دوحه شهریده آمریکا و طالبان نینگ حاضرگی کیلیشوویده آتیشکیسین بولمهیدی.
اونینگ کوپهیتیریشیچه، آمریکا و طالبان آرهسیده کیلیشوو امضاءلنیب و افغانستانلیکلر ارا تینچلیک سوزلشوولری باشلنگنیدن سونگ، مملکتده آتیشکیسین اعلان ایتیلیشی ممکن.
اوشبو موضوعلر بیان ایتیلگن بیرچاغده، تورت کوندن بویان قطرنینگ دوحه شهریده افغانستان تینچلیک لایحهسی بوییچه آمریکا تشقی ایشلر وزیرلیگینی خاص نمایندهسی زلمی خلیلزاد و طالبان نمایندهلری آرهسیده تینچلیک سوزلشوولری دوام ایتماقده.
شو توغریده…
تینچلیک عالی کینگشی افغانستانلیکلر ارا سوزلشوولر باشلهنیشیدن امیدوارلیک بیلدیردی
