بوگون "یکشنبه" ایرتهلب ساعت 8 یریمده مازدا بیر موترده جایلشتیریلگن پارتلش ماده غزنی شهریده ملی خوفسیزلیک اوچینچی حوزهسی برابریده پارتلهتیلگن و نتیجهده 12 کیشی هلاک ایتیلیب و باشقه اونلرچه کیشی یرهلنگن دیر.
ساغلیقنی سقلش وزیرلیگی سوزلاوچیسی وحیدالله مایارنینگ تویترصحیفهسیده یازیشیچه، بو هجومده 12 کیشی هلاک ایتیلیب و باشقه 179 کیشی یرهلنگن دیر.
جناب مایارگه کوره، بو واقعهگه قربان بولگنلردن کوپراغی تینچ اهالی و اوقووچیلر دیر.
بیراق، غزنی حاکمی سوزلاوچیسی محمدعارف نوری نینگ ایتیشیچه، بو هجومده ملی خوفسیزلیک ایشلاوچیلریدن 2 تهسی شامل 6 کیشی هلاک ایتیلیب و باشقه 177 کیشی یرهلنگن دیر.
عینحالده، محل یشاوچیلری نینگ ایتیشیچه، مذکور هجوم نتیجهسیده، اونلرچه مسکونی اوی تخریب ایتیلگن.
بو واقعهده بیر خصوصی مکتب اوقووچیلریدن اونلرچهسی یرهلنگنلر و درمانلهنیش اوچون غزنی کسلخانهسیگه انتقال بیریلگن.
اولرنینگ ایتیشیچه، بیرینچیدن پارتلش سیسینی ییشیتگنلر و اوندن سونگ دود و توپراقنی ایچیدن قاچیب چیقگنلر.
طالبان گروهی بیرخبرنامه ترقهتیب مذکور هجوم مسوولیتینی بوینیگه آلگن. اوشبو گروه اعلامیهسیگه کوره، بو هجوم طالبان اعضاسی تامانیدن ملی خوفسیزلیک اوچینچی حوزهسی برابریده صورت تاپگن.
جمهورلیک ریاستی، بیر اعلامیه آرقهلی، بو هجومنی قارهلگن دیر و جمهور رییس غنی طالبان تامانیدن اویوشتیریلگن هجومنی بشیری جنایت عنوان قیلگن.
