قندوز پولیس قومندانلیگی‌نی سوزلاوچیسی انعام‌الدین رحمانی نینگ سلام‌وطندارگه ایتیشیچه، طالبان جنگریلری بوگون "شنبه" ایرته‌لب ساعت 2 ده قندوزنینگ شینواری‌ها، زرخرید و چرخاب قیشلاق‌لری و شونینگدیک، اوشبو ولایت چهاردره تومنی اوستیگه هجوم قیلگن‌لر.
اونینگ کوپه‌یتیریشیچه، قندوز شهری‌نینگ اطرافیده امنیتی کوچلر و طالبان جنگریلری آره‌سیده اوروش نینگ دوامی بار و بو آتیشمه‌دن ایکی طرف تلفات کورگن، بیراق بیللی ارقام قولگه یوق.
شونینگدیک، قندوز ولایتی کینگش اورین باسری صفی‌الله امیری نینگ ایتیشیچه، اوروش شهر دروازه‌لریگه ییتیشگن و قندوز شهری‌نینگ اطرافیده جای‌لشگن ایکی امنیتی پوسته طالبان نظارتی‌گه اوتگن.
امیری نینگ کوپه‌یتیریشیچه، امنیتی کوچلر و طالبان جنگریلری آره‌سیده یوز بیرگن آتیشمه‌دن تینچ اهالی زیان کورگن و گل‌تپه تومن بناسی طالبان قمراویده قرار تاپگن.
عین‌حالده، باشقه بیرخبرگه کوره، غور ولایتیده پولیس خاص قطعه‌سی نینگ عملیاتی قومندانی طالبان کمینی بیلن روپه‌ره بولیب هلاک ایتیلگن. بو واقعه‌ده امنیتی کوچلردن 6 ته‌سی هلاک و باشقه 6 ته‌سی یره‌لنگن دیر.
غور ولایتی‌نینگ دولینه تومنی‌نی ولسوالی طاهر افضلی نینگ بو خبرنی تصدیق‌لب سلام‌وطندارگه ایتیشیچه، امنیتی کوچلرنینگ نقلیه واسطه‌لریدن 5 ته‌سی طالبان تامانیدن اوتگه تارتیلگن.
غور حاکمی‌نی سوزلاوچیسی عبدالحی خطیبی، بو واقعه‌نی تصدیق‌لیدی، بیراق تلفات خصوصیده صحبت قیلمه‌یدی.
غور حاکمی‌نینگ سوزلاوچیسی گه کوره، امنیتی کوچلر غربی تومن‌لرده تجهیزات انتقال بیره‌دیگن بیرچاغده، طالبان کمینی بیلن روپه‌ره بولگن.
شوتوغریده…
