جوزجان حاکمی مولوی لطف‌الله عزیزی‌نینگ ایتیشیچه، سونگی کونلرده امنیتی وضعیت یامانلیگی مذکور ولایت اهالیسی‌نی جدی قیین‌چیلیک‌لرگه روپه‌ره قیلگن.
جوزجان حاکمی گه کوره، خماب تومنی بوتونله‌ی و باشقه تومن‌لرنینگ برچه قیشلاقلری طالب‌لرنینگ نظارتیده دیر و شونینگدیک، بو ولایت‌نینگ باشقه تورت تومنی مذکور گروه‌نینگ قمراویده قالگن.
جوزجان حاکمی‌نینگ کوپه‌یتیریشیچه، حاضرگی شرایط‌ده جوزجان اهالیسی‌نینگ نماینده‌لر کینگشی‌ده بولگن نماینده‌لری مرکزی حکومت‌دن مذکور ولایتده طالب‌لرگه قرشی حربی عملیات یولگه قوییلیشی‌نی طلب قیلیش‌لری کیره‌ک.
شونینگدیک، جوزجان اهالیسی و قوم بویوک‌لریدن بیرقطاری، اوشبو ولایتده ناتینچلیک‌لر کینگه‌یگنیدن خواطر بیلدیریب ایتیشیچه، وضعیت شونده‌ی بیر شکلده دوام ایتیب و حکومت بی‌فرق یانده‌شگن صورتده، جوزجان ولایتی‌نینگ تومن‌لری طالبان گروهی‌نینگ قولی‌گه سقوط قیلیشی ممکن.
شو توغریده…
- جوزجان؛ طالبلر اهالی‌نینگ اوستیگه ینگی قانون تعیین قیلگن
جوزجان؛ تومن‌لردن بیرقطاری طالب‌لرگه تاپشیریله‌دی
جوزجان؛ طاهر یولداش‌نینگ اوغلی و شیخ ندیم طالبان اوچون فعالیت قیله‌دی
جوزجان؛ طالبلر حقوقی دعوالرنی حل قیله‌دی
اولرنینگ ایتیشیچه، خوفسیزلیک یالغیز حکومتی بنالرنی ایچیده قالگن و بو ولایت‌نینگ باشقه منطقه‌لری و تومن‌لری‌نینگ مرکزی بازارلریده خوفسیزلیک یوق دیر.
اولرگه کوره، تومن‌لر و قیشلاقلرده طالبان گروهی اهالی‌نی قیناققه سالیب و اوستی‌لریگه زوروانلیک قیله‌دیلر.
جوزجان یشاوچیلری و قوم بویوک‌لری، حکومت‌دن مذکور ولایت‌نینگ تومن‌لریده طالب‌لرگه قرشی حربی عملیات‌لر یولگه قوییب و اهالی‌نینگ خواطرلریگه نقطه قوییشی‌نی طلب قیلگن‌لر.
