طالبان گروهی تخار، بغلان و قندوز ولایت‌لریگه هجوم قیلیب آغیر زیان ییتکیزگن.
تخار
تخار ولایتی‌نینگ خواجه‌غار تومنی‌نی ولسوالی ملاعمرنینگ ایتیشیچه، اوتگن کیچه شهرنی بیر کیلومترلیگی‌ده بولگن پوسته‌لر اوستیگه طالبلر تامانیدن اویوشتیریلگن هجوم نتیجه‌سیده 6 پولیس هلاک و باشقه 4 ته‌سی یره‌لنگن. خواجه‌غار تومنی ولسوالی گه کوره، حاضر امنیتی کوچلر منطقه گه ییتیشگن و قوراللی طالبلر ساحه‌دن قاچیب کیتگن‌لر.
تخار حاکمی سوزلاوچیسی جواد هجری‌نینگ ایتیشیچه، طالبان گروهی خواجه‌غار تومنی‌نینگ مرکزی‌نی باسیب آلیش‌گه قصد قیلگن ایکن؛ بیراق مغلوب ایتیلگن.
قندوز
طالبان گروهی اوتگن کیچه قندوز ولایتی‌نینگ قلعه‌زال تومنیده هجوم قیلیب نیتجه‌ده، امنیتی کوچلردن 10 ته‌سی هلاک ایتیلیب و شونینگ طالبان گروهی اوشبو هجوم‌دن تلفات کورگن.
قندوز ولایتی کینگش باشلیغی محمدیوسف ایوبی‌نینگ سلام‌وطندارگه ایتیشیچه، مذکور هجوم اوتگن کیچه ساعت 11 ده باشلب و یرته‌لب ساعت 4 گچه دوام تاپگن.
امنیتی منبع‌لردن بیری‌نینگ کیم‌لیگی سیر قالیش‌نی ایسته‌ب ایتیشیچه، اوشبو هجومده محلی پولیس قومندانی، مفرزه تولی‌نینگ قومندانی، ملی اردو کوچلریدن 5 ته‌سی و پولیس کوچلریدن ایکی ته‌سی هلاک ایتیلگن.
بغلان
سلام‌وطندارگه صحبت بیرگن امنیتی منبع‌لردن بیری‌نینگ ایتیشیچه، پلخمری شهری‌نینگ اطرافیده قوراللی طالبلرنینگ هجومی نتیجه‌سیده محلی پولیس کوچلریدن 9 ته‌سی هلاک ایتیلیب و باشقه 8 ته‌سی یره‌لنگن. منبع گه کوره، قوراللی طالبلر و امنیتی کوچلر آره‌سیده بولگن آتیشمه نینگ حاضرگه هم دوامی بار.
پلخمری ولایتی کسلخانه‌سی‌نینگ باش طبیبی محمدانور وردک نینگ ایتیشیچه، حاضرگه‌قدر 10 جسد و 9 یره‌دار اوشبو کسلخانه گه انتقال بیریلگن.
حاضرگه‌قدر قورالی طالبلر بو توغریده صحبت قیلمه‌گن.
