افغانستان قیزیل آی جمعیتینی مسؤوللری، یورهک تیشیک کسللیگیگه چالینگن کسللرنی دارولش کوپهیگنیدن خبر بیرهدیلر.
اولرنینگ ایتیشیچه، یورهک تیشیک کسللیگیگه چالینگن کسللرنی دارولش و اوشبو کسللیکنی دارولش امکانیتی گه صاحب بولگن کسلخانهلر ایکی برابر بولگن.
کابلده اوتکزیلگن خبری ییغینده نطق سوزلهگن قیزیل آی جمعیتینی عمومی کاتبی نیلاب مبارزنینگ ایتیشیچه، اوتگن ییلگه نسبتن یورهک تیشیک کسللیگیگه چالینگن کسللرنی دارولش 60 فایزگه کوپهیگن.
اونگه کوره، اوتگن ییل یورهک تیشیک کسللیگیگه چالینگن 1200 کیشی قیزیل آی جمعیتی تامانیدن دارولنگن؛ عین حالده، بو رقم 2018- ییلده 1 مینگ و 742 کیشی گه کوپهیگن.
قیزیل آی جمعیتی مسؤوللرینینگ ایتیشیچه، یورهک تیشیک کسللیگیگه چالینگن کسللردن 40% مملکت ایچیده و باشقه 60% چیتایل مملکتلرده دارولنهدی.
اولرنینگ کوپهیتیریشیچه، حاضرگچه یورهک تیشیک کسللیگیگه چالینگن 15 مینگ و 320 کسل قیزیل آی جمعیتی تامانیدن رویخط گه آلینگن و بو جملهدن 8 مینگ و 674 تهسی دارولنگن و باشقه 6 مینگ و 646 کیشی رویخطده قالگن.
اولرگه کوره، اوشبو کیشیلردن کمیده 15% جانلرینی قولدن بیرگنلر.
