فاریاب حاکمی نقیب‌الله فایق‌نی ایکی هفته آلدین فاریاب ینگی پولیس قومندانی‌نینگ تانیتیش مراسمیده ایتیشیچه، طالبان گروهی امنیتی کوچلرنینگ اکمالاتی کاروانی‌گه توسیق بولگن صورتده، نابود ایتیله‌دی.
بیراق امنیتی کوچلرنینگ اکمالاتی کاروانی 8 کوندن بویان هم میمنه گه ییتیشمه‌گن.
اوشبو کاروان نیچه بولیمده، طالبان گروهی‌نینگ هجوم‌لری بیلن دوچ کیلیب و اولرنینگ هجوم‌لری سبب قطار عایله‌لر اوی و جایلرینی ترک قیلگنلر.
سونگی کونلرده شیرین تگاب تومنی یشاوچیلریدن کمیده 2 مینگ عایله اوشبو تومن مرکزیگه آواره بولگنلر.
شیرین‌تگاب تومنی‌نینگ محلی مسووللریگه کوره، آواره بولگن عایله‌لر یمان وضعیتده حیات کیچیرهدیلر.
شیرین تگاب تومنی‌نی پولیس قومندانی میرحمزه شیرزاد نینگ سلام‌وطندارگه ایتیشیچه، بدرغه بولگنلرنینگ وضعیتی خواطرلنترووچی دیر و اولرنینگ جدی باش‌پناه و ییگولیک آذیق-آوقتگه نیازلری بار.
جناب شیرزاد گه کوره، بدرغه بولگن عایله‌لر شیرین‌تگاب تومنی‌نینگ مرکزیده بولگن پارک‌که حیات کیچیرهدیلر.
فاریاب ولایتی شیرین‌تگاب تومنی‌نینگ ولسوالی سیدشراف‌الدین نینگ سلام‌وطندارگه ایتیشیچه، بدرغه بولگنلرگه همکارلیک قیلیش خصوصیده حاضرگه‌قدر هیچ‌قندی سعی و حرکت ایتیلمه‌گن و اوشبو آواره‌لر مسافر خانه‌لرگه حیات کیچیرهدیلر.
شیرین‌تگاب تومنی یشاوچیلریدن سیداحسان‌الله و محمدحسن نینگ ایتیشیچه، بو تومن یشاوچیلریدن یوزلرچه‌سی اوی و جایلرینی ترک قیلگنلر.
اولرنینگ ایتیشیچه، طالبان جنگری‌لری اولرنینگ اوی‌نی سنگر توزه‌تگنلر.
فاریاب قاچقین‌لر اداره‌سی‌نینگ مسووللریگه کوره، شیرین‌تگاب تومنیدن جای‌سیز بولگنلرگه حاضرگه‌قدر هیچ‌قندی همکارلیک صورت تاپمه‌گن.
اولرنینگ ایتیشیچه، بدرغه بولگنلرنینگ وضعیتی‌نی تیکشیریلیشی ممکن.
سونگی کونلرده اندخوی تورته‌له تومنیده هم تورلی واقعه‌لر یوز بیریب و اوروش‌لر باعث، اوشبو تومن‌لر یشاوچیلریدن 4 مینگ ته‌سی بدرغه بولگنلر.
