.jpg)
کرکت دنیا بوییچه طرفدارگه ایگه بولگن اویین‌لردن بیری سنله‌دی و سونگی ییل‌لرده افغانستانده هم کوپینچه طرفدار تاپگن و مملکت ملی کرکت تیمی دنیا میدانلریده افغانستان اوچون کوپینچه یوتوق کسب ایتگن. اوشبو اویین کینگ شکلده رواجلنگنی و همه شمول بولگنی باعث، بوگون پروان ولایتیده بند امیر زونی‌نینگ دفتری آچیلدی.
اوشبو زون گه پروان، کاپیسا، پنجشیر، بامیان، دایکندی و میدان‌وردک ولایت‌لری شامل بوله‌دی و بوندن سونگ، آلتی تیم بیلن فعالیت‌لرینی باشله‌یدی.
پروان ولایتیده بند امیر زونی آچیلیش مراسمی‌ده نطق سوزله‌گن مملکت کرکت بوردی‌نی باشلیغی عزیزالله فضلی‌نینگ ایتیشیچه، مملکت‌ده کرکت اویینی رواجلنگنی گه قره‌گنده، کیله‌جک‌ده افغانستان بویلب کرکت اویینی یولگه قوییله‌دیگن استندرد میدان قوریلیب و دنیا بوییچه شهرت قازانگن اقتدارلی تیم‌لرگه میزبانلیک قیلیش ممکن.
.jpg)
پروان ولایت مقامی، کرکت اویینی‌گه میدان قوریلیشی اوچون مملکت کرکت بوردی گه 20 جریب ییر کورستگن. پروان حاکمی فضل‌الدین عیارنینگ ایتیشیچه، دولت هردایم برچه بولیم سپورتچی‌لریدن حمایت قیلگن و سپورتچی‌لرگه بیره‌دیگن یاردم‌لریگه دوام بیره‌دی.
کرکت زونی ایجاد ایتیلگنی و کرکت میدانی قوریلیشی اوچون 20 جریب ییر اختصاص بیریلگنی سپورتچی‌لر تامانیدن هم خوش قرشی‌لنگن. پروان کرکتچی‌لریدن اسکندر و ضیاءالحق نینگ ایتیشیچه، میدان یوقلیگی باعث، سپورتچی‌لر حاضرگچه کوپینچه قیین‌چیلیک‌که روپه‌ره بولگن.
مملکت کرکت بورد مسؤوللری‌نینگ ایشانچی‌گه کوره، بند امیر زونی آچیلیشی بیلن کابل زونی هم اونگه قوشیله‌دی و بو ایش افغانستان کرکت اویینی معیاری بولیشی اوچون کته یاردم بیره‌دی.
