.jpg)
غزنی ولایتیده فواید عامه رسمیلرینینگ ایتیشیچه، قورالی طالبلر آرزو قیشلاق و غزنی ولایتینینگ شاخک منطقهسیده مواصلاتی یولنی تخریب قیلگنلر.
اوشبو جاده غزنی ولایتینینگ مواصلاتی جادهلریدن بیری بولیب سوداگرلیک کالالر بو یول آرقهلی پکتیکا، پکتیا ولایتی و پاکستانگه انتقال بیریلهدی. شونینگدیک بو جاده اندر تومنی هم غزنی مرکزیگه وصل قیلهدی.
غزنی فواید عامه باشلیغی محمدآصف ذهیننینگ ایتیشیچه، قورالی طالبلرنینگ محلده کینگ فعالیتی بولگنی باعث تخنیکی تیم مذکور جادهنی تیکشیریش و قیتهقوریش گه قادر بولمهگن.
.jpg)
غزنی ولایت کینگشی اعضاسی عبدالجامع جامعنینگ سلاموطندارگه ایتیشیچه، طالبان گروهی مذکور جادهنی تخریب قیلیش بیلن اندر تومنی اوستیگه هجوم قیلیشنی ایستهیدیلر.
جناب جامعنینگ ایتیشیچه، اندر تومنی نیچه هفتهدن بویان طالبلر قمرویگه دیر، غزنی محلی حکومتی و مرکزی حکومت حاضرگچه بو توغریده هیچقندی اقدام قیلمهگن.
اوشبو یولدن اوتیب قیتهدیگن یولاوچیلر جدی قیینچلیک بیلن دوچ کیلگن و یریم ساعتلیک یولنی ایکی ساعتده طی قیلهدیلر.
بو توغریده غزنی امنیتی رسمیلرینینگ فکرینی آلیش اوچون سعی و حرکت قیلدیک، بیراق موفق بولمهدیک.
