حج مراسمیده اشتراک قیلیش قرارینی قیلگن قطار کیشیلرنینگ ادعا قیلیب ایتیشیچه، پروان حاکمینینگ مصحلتچیلریدن بیری، سعودی عربستانگه یوباریش بهانهسی بیلن، اولردن پول آلگن بیراق وعدهسیگه عمل قیلمهگن.
حج مراسمیده اشتراک قیلیش قرارینی قیلگنلردن بیری خیرمحمدنی ایتیشیچه، جاری ییل اسد آینینگ 15- ده، پروان ولایتینینگ اجرایی دفتریگه غلامنبی خان بیلن اوچرهشگن. غلامنی اوزینی پروان حاکمینینگ مصحلتچیسی تانیتیب و اولرنی حج یوباریش اوچون هر بیریدن 2800 دالر آلگن.
غلامنبی خان 120 کیشیدن 360 مینگ امریکالیک دالر قولگه کیلتیرگن بیراق اولردن حتا بیر کیشیسینی هم حجگه یوبارمهگن.
عینحالده، پروان ولایتینینگ حج و اوقاف ریاستی مسووللرینینگ ایتیشیچه، حج و اوقاف وزیرلیگینینگ رسمی مرجعلری تامانیدن سعودی عربستانگه یوباریلهدیگنلرگه حج و اوقاف ریاستی مسوول دیر.
پروان محلی رسمیلرینینگ ایتیشیچه، حج یوباریش بهانهسی بیلن اهالیدن پول آلگن کیشینینگ ولایت مقامی بیلن هیچقندی رابطهسی یوق دیر.
پروان حاکمینینگ سوزلاوچیسی وحیده شهکار نینگ سلاموطندارگه ایتیشیچه، ناراضچیلر ولایت مقامیده رسمی شکایت قیلگن صورتده، اولرنینگ شکایتلری عدلی و قضایی نهادلر تامانیدن تعقیب ایتیلهدی.
بو توغریده غلامنبی خان نینگ فکرینی آلیش اوچون سعی و حرکت قیلدیک بیراق موفق بولمهیدک.
