.jpg)
تخار ولایتی‌نینگ دشت‌قلعه تومنی‌نی 90% حاضر قوراللی طالب‌لرنینگ اختیاریده دیر و امنیتی کوچلر یالغیز تومن مرکزیده جایلشگن. قوراللی طالب‌لر نظارت‌لریده بولگن منطقه‌لرده قتیق قاعده‌لرنی وضع قیلگن و امنیتی کوچلرنینگ عایله‌لرینی فرزندلری امنیتی کوچلرنینگ تشکیلاتی‌نی ترک قیلیش خصوصیده، تهدید قیلگن‌لر.
سونگی کونلرده امنیتی کوچلرنینگ تشکیلاتیده بولگن دشت‌قلعه تومنی یشاوچیلریدن اونلرچه‌سی وظیفه‌لرینی ترک ایتگن‌لر. آت‌لری فاش ایتیلیشی‌نی ایستمه‌گن اوشبو عسکرلرنینگ ایتیشیچه، عایله‌لری طالب‌لر تامانیدن تهدید بولگنی سبب، قوراللرینی مسؤوللریگه تاپشیریب و وظیفه‌دن وازکیچگن‌لر.
شونینگدیک، تخار ولایتیده ایشانچ‌لی امنیتی منبع‌لردن بیری‌نینگ سلام‌وطندارگه ایتیشیچه، سونگی بیر آیده 16 ملی پولیس و 20 محلی پولیس وظیفه‌لرینی ترک قیلگن. عین حالده، تخار ولایتی‌نینگ پولیس جذب قیله‌دیگن قومندانلیگی عسکرلر امنیتی کوچلرنینگ تشکیلاتی‌نی ترک قیلگنینی تصدیق‌لیدی.
.jpg)
بیراق، دشت‌قلعه تومنیده محلی پولیس قومندانی وکیل خان‌آغانینگ ایتیشیچه، وظیفه‌لرینی ترک قیلگن عسکرلردن بیرقطاری، ینه وظیفه‌لریگه قیتگن.
شونینگدیک، تخار ولایتی‌نینگ پولیس قومندانی عبدالرحمان آقتاش‌نینگ ایتیشیچه، عسکرلر هییت رخصتی‌لریگه کیتگن‌لر.
عین حالده، آی‌خانم بندری ده چیگره کوچلری‌نینگ 70 کیشی‌لیک گروهی، مذکور بندرنی ترک قیلیب و تخار مرکزی تالقان شهریده جایلشگن. دشت‌قلعه تومنی‌نینگ چیگره کمیساری‌سیدن بیر منبع نینگ ایتیشیچه، آی‌خانم بندریده بولگن چیگره کوچلری‌نینگ 70 کیشی‌لیک گروهی‌دن 20 کیشی قالگن. چیگره کمیساری‌سی‌نینگ مسؤوللری، بو توغریده صحبت بیریش گه حاضر بولمه‌گن‌لر.
اوتگن بیر آی جریانیده قوراللی طالب‌لر نیچه مرته دشت‌قلعه تومنی‌نینگ چیگره‌سی کمیساری‌سی اوستیگه هجوم قیلگن و نتیجه‌ده عسکرلردن بیرقطاری‌نینگ اولدیریب و کمیساری‌نینگ برچه امکانیتی‌نی اوتگه تارتگن.
