بوگون «چهارشنبه» ناراضیلیک بیر حرکتده سیاسی جریانلر و حزبلرنینگ مسؤوللرینی آگاهلنتیریشیچه، ساختهکارلیک باری آستیگه کیتمهی و سیلاولر ساختهکارلیک بیلن یولگه قوییلیشیگه رخصت بیرمهیدیلر.
سیاسی جریانلر و حزبلرنینگ شرطنامهسیده کیلیشیچه، نمایندهلر کینگشینینگ سیلاوی تأثیرلی شکلده نظارت قیلینمهیدی و شونینگدیک، میلیونلرچه خیالی کیملیک ترقهتیلگن.
اوشبو شرطنامهنی باشقه بیر بولیمیده ایتیلیشیچه، سیاسی حزبلر ایستکلری قبول بولگونگهقدر مبارزه دن قول تارتمهیدیلر و ایستکلری عملگه آشیریلیشی اوچون کینگ ناراضیلیکلرگه قول اوروشلری ممکن.
سیاسی حزبلرنینگ شرطنامهسی اساسیده، اولر بو توغریده حکومت بیلن مذاکره اوتکزیش گه تیار دیر.
اوشبو ناراضیلیک نمایشده گلبدین حکمتیار رهبرلیگیدهگی اسلامی حزبنینگ مدنی کمیته اعضاسی فیضالله سافینینگ ایتیشیچه، سیلاولر حاضرگی وضعیتده یولگه قوییلگنده نتیجهسینی اولر قبول قیلمهیدی.
بیراق، سلاموطندارگه صحبت بیرگن سیلاولر ایرکین کمیسیونینینگ سوزلاوچیسینی اورین باسری عبدالعزیز ابراهیمینینگ ایتیشیچه، سیاسی جریانلر و حزبلرنینگ ایستکلری حاضرگی شرایطده تطبیق ایتیلمهیدی و سیاسی حزبلر تنیقلیک ایستهگن صورتده، نظارتی روللرینی کوپهیتیریشی لازم.
حکومت، سیلاولر ایرکین کمیسیونی، سیاسی حزبلر و جریانلر آرهسیده سیلاولر یولگه قوییلیش جریانی اوستیگه بولگن تارتیشوولر حساسی باسقیچ گه ییتیشگن و جمهور رئیس غنی سونگی کونلرده سیاسی حزبلر بیلن اوتکزگن ییغینده اولرنینگ آگاهلنتیریشیچه، ایستکلری اوستیگه آرتیقچه تأکید قیلگنلریده، بو حزبلرنی ترقاقلشتیرهدی.
