بوگون "دوشنبه" مملکت سابق مخابرات وزیری عبدالرزاق وحیدی فسادگه عیبلنگنی باعث، خاص محکمه ده حاضر بولدی.
محکمه تامانیدن وارد ایتیلگن عیبلاولر اوقیلگنیدن سونگ، جناب وحیدی عیبلاولرنی رد قیلدی و محکمهنینگ قراری سونگی ییغین گه تشلندی.
عیب نامهلرنی ارایه قیلیش مسؤولی میر عبدالمعروف ذاکرنینگ ایتیشیچه، تحقیقات و اولرنینگ تیارلهگن عیب نامهلریگه کوره، مملکت سابق مخابرات وزیری عبدالرزاق وحیدی، صلاحیتلریدن سوء استعمال قیلگن و شونینگدیک، افغانستان اساسی قانونی و باشقه قانونلرنی آیاق آستی قیلگن.
جناب ذاکرگه کوره، وحیدی قطار شخصلرنی وزیرلر کینگشی مقررهسی گه قرشی یوقاری معاش بیلن اوشبو وزارت ده مصلحتچی صفتیده تعیین قیلیب و کریدت کارتلردن آلینهدیگن 10% سالیققه هم زیان ییتکیزگن.
بیراق، جناب وحیدی اوشبو عیبلاولرنی رد قیلیب ایتیشیچه، او بیلن سیاسی یاندهشیلگن و اونینگ اورنیده باشقه قوم دن وزیر بولگنده او بیلن بوندهی یاندهشیلمسدی.
سابق مخابرات وزیرینینگ مدافعه وکیلی، دفاعیهسی نی اوقیش بیلن جناب وحیدی گه وارد بولگن عیبلاولرنی رد قیلگن.
حکومت رسمیلری فسادگه عیبلنگن موضوعلر هردایم میدیاگه چیققن؛ بیراق بیرینچی مرته کیم حکومتنینگ یوقاری مرتبهلی ملازمی آچیق شکلده محکمه ایتیلگن.