افغانستان امنیتی کوچ‌لری میلادی 2002 – ییلده اساس گذارلیک ایتیلدی. امریکا بیرینچی دن ملی ارودو رهبرلیگی و اوندن سونگ میلادی 2005 – ییلده مملکت ملی اوردو و پولیس گه تعلیمات بیریش مسوولیتی‌نی بوینیگه آلدی. افغانستان نی قیته‌قوریش ایتیش خصوصیده آلمان پولیس‌گه اصلاحات کیلتیریش، بریتانیا بنگی‌وار ماده لرگه قرشی کوره‌ش، ایتالیا قضا گه اصلاحات کیلتیریش و چاپان هم اورش منطقه‌لریدن قورال‌نی توپلش نی بیرینچی ایش‌لریدن قرار بیردی. اوشبو توغریده امریکا میلادی 2016- ییل گه‌قدر 70 میلیارد امریکالیک دالر صرف قیلدی.
خلق‌ارا جماعه سی‌نینگ کته بیر بولیمی افغانستان‌لیک حربی‌لرنینگ کوچ‌لی بولگنی سبب میلادی 2014- ییل دن سونگ سکین صورت ده ممکت دن چیقیب کیتی‌لر.
ملی اوردو تشکیلاتی انه‌شو قسم ذکر بولگن.
افغانستان ملی اوردوسی‌نینگ قومندان‌لری، مملکت حربی‌لر و 5 حوزه‌لیک قول اورو لرگه تعلیمات بیریش گه موظف بولگنلر.
مرکزی بولیم ده، 201 سیلاب قول اردو، 4 لوا و 16 کندک دن تشکیل تاپگن.
گردیز و غزنی ده 203 تندر قول اوردو، 3 لاو و 11 کندک دن تشکیل تاپگن.
قندهار ده 205 اتل قول اوردو، 4 لوا و 16 کندک دن تشکیل تاپگن.
هرات ده 207 قول اوردو، 2 لوا و 6 کندک دن تشکیل تاپگن.
بلخ ده شاهین 209 قول اوردو، 1 لوا و 5 کندک دن تشکیل تاپگن.
افغانستان ملی اوردوسی، تعلیمات لحاظ ده 8 بولیمدن تشکیل تاپگن. حربی ملی پوهنتون، ملی اوردو‌نینگ تعلیمات بولیمیده اساسی و اونملی بولیم نی تشکیل بیره‌دی.
کابل حربی تعلیمات مرکزلری هم 5 بولیم گه بولینه‌دی.
مملکت مدافعه وزیرلیگی‌نینگ 6 ریاستی بار و مرکز و ولایت لرده کوپینچه فرعی واحد لر اوشبو ریاست‌لر نظارتی‌گه قرار تاپگن. مدافعه وزیرلیگی‌نینگ اونملی واحدی استخبارات ریاستی دیر.
ایتیش لازم که قول اوردو 7 دن 10 مینگ، فرقه 3 مینگ، لوا 1 مینگ، کندک 300 ، تولی 70 ، بلوک 28، و دلگی 9 کیشی دن تشکیل تاپگن.
ملی اوردو و پولیس کوچ‌لری اخیرگی ییللرده کپراغ قمرو و هجوم آستیده قرار بیریلگن. ملی بیرلیگ حکومتی تشکیل تاپگن دن سونگ، محاصره و هجوم لر کوپییب و اوندن سونگ کته واقعه‌لر یوز بیریشی گه سبب بولگن. میدان- کابل قتناو یولیده حربی مرکزلردن فارغ بولگن عسکرلرنی هجوم آستیگه قرار بیریلیشی، ملی اوردو و ملی پولیس کوچلرینینگ جلریز ده قمروگه آلینیشی، هلمند ده ملی اوردو کوچلرینینگ نیچه کون قمروگه قالیشی و 209 شاهین قول اوردو قومندانلیگی ده هجوم ایتیلیشی ملی بیرلیک حکومتی تشکیل تاپگن دن سونگ یوز بیرگن قانلی واقعه‌لردن دیر.
ملی اوردو و ملی پولیس بیرقطار رسمیلرینینگ همکارلیکلر و حربی تجهیزات‌نینگ زمانی ده یتیشمه‌گنیدن خواطر بیلدیریب ایتیشیچه، دولتی کوچ‌لر هفته‌لرچه طالبان گروهی‌نینگ قمرویگه قاله‌دی بیراق هیچ‌قندی کمک قولگه کیلتیرمیدیلر. قطار واقعه‌لرده محاصره زور بیلن سندیریلگن و گاه گاهی پوسته لر دولت گه قرشی گروه لر تصروفی گه کیریب، ملی پولیس و ملی اوردو کوچ‌لری طالبان قولگه توشگن.
کیم‌لیک لری فاش ایتیلیش‌نی ایستمه‌گن بیرقطار رسمیلرنینگ ایتیشیچه، قمروگه قالگن عسکرلرگه تجهیزات و کمک یوباریش خصوصیده امنیتی مقام لرنینگ وعده خلاف‌لیکلری اورش خطی گه بولگن عسکرلرنی ناراض قیلیب و قطار واقعه لرده عسکرلر اورش مسدن پوسته‌لرنی قوییب یوباره‌دیلر. امریکا مدافعه وزیرلیگی تامانیدن میلادی 2013-ییل ده ترقه‌لگن گزارش‌گه کوره، هوایی حمایت بولمه‌گنی سبب، افغانستان‌لیک حربی‌لر اورش جریانی ده یره‌لنیش و یره‌لنگن دن سونگ هوایی پوشش بولمه‌گنی باعث پوسته‌لرده جان بیرییب و یا-ده دولت گه قرشی گروه لر قولیگه توشیشی دن قورقه دیلر.
بغلان گه ملی اوردو قومندانلریدن بیری نعمت الله، 14 عسکر بیلن 13 کون طالبان قمرویگه قولگن. اونینگ ایتیشیچه، قمروگه بولگن پیتلرده بوتون امنیتی مقام لر بیلن تماس آلیب یاردم ایسته‌گن؛ بیراق هیچ‌کییم اونینگ ایسته‌گی ده دقت قیلمه‌گن.
قومندان نعمت‌نینگ مرکزی بغلان پوسته‌لری، کوک چنار و اوشبو ولایت باشقه قطار قیشلاق‌لریدن حکایت قیلیب ایتیشیچه، یاردم لرنینگ یتیشمه‌گنی سبب اوشبو منطقه‌لر و پوسته‌لر طالبان قولیگه سقوط قیلگن.
جوزجان ولایتیده ملی اوردو قومندانلریدن بیری‌نینگ کیم‌لیگی سیر قالیش نی ایسته‌ب ایتیشیچه، ملی پولیس و ملی اوردو کوچ‌لری مذکور ولایت درزاب تومنیده نیچه مرته ملی مدافعه وزیرلیگی و محلی حکومت رسمی لریدن یاردم ایسته‌دی؛ بیراق تومن سقوط قیلگنی دن بیرهفته اوتیش بیلن حربی یاردم لر کاروانی اوشبو تومن‌گه یتیشتی. ملی اوردو اوشبو رسمی‌گه کوره، ایش دن چیقگن تجهیزات، یاردم لر زمانیگه یتیشمه‌گنی و عسکرلرنینگ ناراضلیگی سبب پوسته‌لر و تومن‌لر سقوط قیله‌دی.
شونینگ‌دیک سرپل ولایتی‌نینگ حربی‌لری و عسکرلری‌نینگ شونگه آخشش حکایت لری بار. ملی اوردو قومندانلریدن بیری‌نینگ ایتیشیچه، حربی تجهیزات‌لرنینگ ایش دن چیقگنی، آلدن دن قرار آلینمسلیگی، منتظره قطعه‌نینگ یوق‌لیگی و وسایط‌لرنی ترمیم قیلیش اوچون امکانات بولمه‌گنی اوشبو ولایت ده پوسته‌لرنینگ سقوط قیلیشی‌گه سبب بوله‌دی.
هلمند ولایتیده پولیس قومندانلریدن بیری احمدنینگ ایتیشیچه، پوسته‌لرگه ایترلیچه حربی بولمه‌گنی، نیاز بولگن تجهیزات‌لر یوق‌لیگی و حربی همکارلیک لر زمانیده یتیشمه‌گنی سبب اوشبو ولایت ده تومن‌لر و پوسته‌لر طالبان قولیگه سقوط قیله‌دی. اونینگ ایتیشیچه، امنیتی مقام‌لر عسکرلرنینگ قینچیلیک‌لرینی درک قیلمیدی بیراق تومن‌لر سقوط قیلگن دن سونگ ایش غفلتی گه عیب دار ایته‌دیلر.
فراه ولایتی ده نظم‌عامه قومندانلردن بیری کیم‌لیگی سیر قالیش‌نی ایسته‌ب فراه شهری‌نینگ بیر بولمی سقوط قیلگنی خصوصیده بوندی دیب ایته‌دی، طالبان جنگره‌لری نینگ بالابلوک تومنی یولی ده بولگن پوسته‌لر اوستیگه هجوم قیله‌دی بیراق حربی یاردم‌لر زمانیگه تیشمه‌گنی سبب پوسته‌لر طالبان گروهی قولیگه سقوط قیلیب و عسکرلر اولدیریله‌دی. اوشبو قومندان‌نینگ ایتیشیچه، یاردم یتیکیزیش گه ضعف بولگنی فرهنگ و عادت گه اوز گریلگن؛ انه‌شو سبب کوپ قطار عسکرلر مقاومت قیلمسدن پوسته‌لرنی قوییب یوباره دیلر. امنیتی مقام لرنینگ وعده خلاف‌لیکلری عسکرلرنینگ اورش روحیه سی اوستیگه منفی تاثیر قویگن و اولردن چاره کوره‌دیگن و مصحلت طلب قیله‌دیگن گروه توزه‌گن.
بیراق اورش بولگن منطقه‌لرده عسکرلر و پوسته‌لرنینگ قومندان‌لری‌نینگ فرصت طلب‌لیگی و منفعتی گه فکر قیلیشی سبب ملی اوردو و ملی پولیس کوچ‌لری اورش خط لریگه حربی تجهیزات‌نینگ کم‌لیگی بیلن دوچ کیله‌دی.
میلادی 2016- ییل ده رویترز کونده‌لیگی‌نینگ اعلان قیلیشیچه، ملی اوردو عسکرلری‌نینگ هر 10 ته‌سی دن 8 ته‌سی قولی گه بولگن اوق نی بازارگه ساته‌دی. حتا اولر بیرقطاری اوق لرینی طالبلرگه ساته‌دی.
طالبان قمرو دن قورته‌ریلگن عسکرلرنینگ قمروگه بولگن کونلردن یمان حکایت لری بار. کیم‌لیگی سیر قالیش‌نی ایسته‌گن عسکرلردن بیری‌نینگ ایتیشیچه، هر هجوم دن آلدن پوسته قومندان و عسکرلری مرکزی نی جریانگه قویه‌دی؛ بیراق اوشبو جریان گه قویش‌لر نتیجه بیرمیدی.
اجرستان اورش دن قورته‌ریلگن عسکرلردن بیرقطاری‌نینگ ایتیشیچه، قمروگه بولگن پیتلرده تیک‌اوچرلر حربی تجهیزات نی بیزلرگه بیرگنی اورنیده طالبان جنگره‌لریگه بیره‌ریدی. اوشبو عسکرگه کوره، تومن‌لر و پوسته‌لرنینگ سقوط قیلیشی‌گه محلی رسمیلرینینگ قولی بار.
حربی بیلرمانلردن بیری جاوید کوهستانی و ایچکی ایشلر وزیرلیگی‌نینگ سابق اروین باسری میرزامحمد یارمندنینگ لایحه‌سیزلیک، مدیریت‌سیزلیک و امنیتی وزارت‌خانه لر رهبرلیگی ده بولگن ایش‌سیزلیکلردن تنقید قیلیب ایتیشیچه، قول دن کیتگن منطقه‌لرنی قیته‌دن قولگه آلیش ملی اوردو و ملی پولیش کوچلرینینگ تلفاتی نی جبران قیله‌آلمیدی.
کورنیشچه، اورش دوام تاپیشی و سنگرلرگه عسکرلرنینگ شرایطی یمان بولگنی، کوپینچه یاشلرنی ملی اوردو و ملی پولیس قطاریگه قوشیلیشدن دلسرد قیلگن. "سیگار"نینگ میلادی 2017- ییل ده ترقه‌تگن گزارشی گه کوره، هرییل ده ملی اوردو اوچ دن بیر فایز عسکری و ملی پولیس 5 دن بیر فایز عسکرلری نی قول دن بیره‌دی.
امنیتی کوچلرنینگ اورش قیلیش اوچون علاقه‌سیزلیگی و ملی پولیس و ملی اوردو قطاریگه قاشیلیش اوچون یاشلرنینگ علاقه‌سی بولمه‌گنی سبب دولت‌گه قرشی گروه لر اینقسه طالبان و داعش گروهی کنترولیگه بولگن منطقه لر کینگی‌یب بارماقده دیر.
اخیرگی پیتلرده الجزیره خبری شبکه سی تامانیدن ترقه‌لگن گزارش گه کوره، میلادی 2018- ییل ده افغانستان تپراغی دن یالغیز 56.3 فایزی ملی بیرلیک حکومتی کنترولیگه ایکن و باشقه منطقه لر یا کامل صورت ده و یا-ده بیر بولیمی دولت‌گه قرشی گروه لر نظارتی گه ایکن.
میلادی 2016-ییل ده قرگنده میلادی 2018- ییل ده دولت گه قرشی گروه لر نظارتی گه بولگن منطقه لر کنیگی‌گن.
امنیتی رسمیلری، نیاز بولگن زمانده پوسته‌لرگه بولگن کوچلرگه حربی همکارلیک ایتیشمه‌سلیگی نی قبول قیله‌دی، بیراق ایش‌سیزلیک و امنیتی کوچلرنینگ روحیه سینی ضعیف قیلیش اوچون برنامه توزه‌تیش ادعالرنی رد قیله‌دیلر. اولرنینگ ایتیشیچه امنیتی کوچ‌لر هردایم اورش و قربان بیریشلیککه تیار دیر.
ملی مدافعه وزیرلیگی‌نینگ سوزلاوچیسی محمد رادمنش‌نینگ ایتیشیچه، هوا خراب‌لیگی و تومن‌لر یولی‌نینگ ناتیینچ‌لیگی سبب تهدیدگه بولگن کوچلرگه همکارلیکلر زمانیگه یتیشمیدی.
عین‌حالده مملکت ایچکی ایشلر وزیرلیگی‌نینگ سوزلاوچیسی نجیب دانش‌نینگ تهدیدگه بولگن عسکرلرگه همکارلیک ایتیش اوچون امنیتی نهادلرنینگ دقت سیزلیگ ادعا سینی رد قیلیب ایتیشیچه، اورش شرایطی گاه گاهی حربی یاردم لرنینگ زمانیگه یتیششیگه توسیق بوله‌دی، بیراق هر واقعه‌دن آلدن امنیتی نهادلر واقعه یوز بیریشی دن خبر بولگن حالده آلدن بیرقطار لایحه‌لرنی قولگه آله‌دی.
