جوزجان ولایتی‌نینگ درزاب تومنیده داعش گروهی‌نینگ قومندانلریدن بیری 19 یاشر بیر قیزنی جنسی زورلهگن.
سلام‌وطندارگه صحبت بیرگن جوزجان ولایتی درزاب تومنی‌نینگ امنیه قومندانی تورن اسماعیل‌نینگ ایتیشیچه، اوشبو واقعه درزاب تومنی‌نینگ مغل قیشلاوغیده یوزبیرگن و جنسی زورلنگن قیز نشانلی ایکن.
درزاب پولیس قومندانی‌نینگ ایتیشیچه، بوندن آلدین هم داعش گروهی شونگه اوخشه‌گن عمل‌لرگه عیب‌لنگن. اونینگ ایتیشیچه، اهالی داعش اعضالری‌نینگ ایشلریدن غضب‌له‌نیب و خواطرگه کیرگن‌لر.
درزاب پولیس قومندانی گه کوره، داعش گروهی باشقه بیرقطار عیاللرنی جنسی قُل صفتیده اوزلری بیلن آلیب کیتگن. اونینگ ایتیشیچه، داعش جنگریلری چاروالرنی هم جنسی زورله‌یدیلر.
جوزجان ولایتی‌نینگ درزاب تومنی یشاوچیلریدن بیرقطاری اوشبو واقعه‌نی تصدیق‌لب سلام‌وطندارگه ایتیشیچه، داعش‌نینگ اوشبو زید آتلی قومندانی فاریاب ولایتی‌نینگ یشاوچیسی بولگن.
اولرگه کوره، مذکور قیز اوچ کیچه داعش قومندانی‌نینگ اختیاریده ایکن.
داعش گروهی بو توغریده هیچ نرسه دیمه‌گن.
