انسان حقلری کمیسیونی ولایتی دفترنینگ مسووللری و بدخشان ولایتی‌نینگ عیاللر ریاستی، مذکور ولایت محلی حکومت تشکیلاتیده عیاللرنینگ حضوری کم بولگنیدن خواطر بیلدیرگن.
سلام‌وطندارگه صحبت بیرگن انسان حقلری کمیسیونی‌نینگ بدخشان ولایتی دفترمسوولی عارفه نوید‌نینگ ایتیشیچه، اولرنینگ تیکشیریشی گه کوره، عیاللرنینگ بدخشان دولتی و غیردولتی نهادلریگه حضورلری کمیگن. خانم عارفه گه کوره، حکومت‌نینگ اوشبو خصوصیده توجه سیزلیگی خواطرلنتروچی دیر.
اوشبو ولایت عیاللر ریاستی رسمیلری‌نینگ ایتیشیچه، عیاللر ریاستی خارج، حکومت بدخشان محلی حکومت تشکیلاتی‌نینگ باشقه اییریک مقامیده هیچ بیر عیال یوق دیر
بدخشان عیاللر ریاستی‌نینگ سرپرستی نسرین رووفی‌نینگ ایتیشیچه، دولتی اداره‌لرگه 30 فایزعیال حضور تاپیشی خصوصیده حکومت تامانیدن بیرلگن وعده‌لر عملی بولمگن.
بدخشان ولایتی کینگش اعضاسی فرحناز پامیری‌نینگ ایتیشیچه، عیاللرنینگ حضوری خصوصیده صورت تاپگن سعی و حرکت لری نتیجه‌بیرمی و محلی حکومت اوشبو توغریده بیرگن وعده سی‌گه صادقانه صورتده عمل قیلمگن.
بدخشان ولایتی‌نینگ فعال عیاللریگه کوره، مذکور ولایت ده تحصیل قیلگن عیاللر کوپ، بیراق ناتینچلیک و افراطیت رشد قیلگنی سبب عیاللرنینگ فعالیتی قیلیشی زور بولگن.
