جمهور رئیس بیرینچی اورین باسری جنرال عبدالرشید دوستم نینگ مملکت گه قیتیشی بیللی بولگن چاغده، سلام‌وطندارگه صحبت بیرگن احمد ایشچی‌نینگ ایتیشیچه، دوستم کیلگنیدن سونگ، اونینگ محاکمه‌سی شدتلنیشی کیره‌ک. جناب ایشچی نینگ اورغولشیچه، مملکت قضایی تیزیمی دن جنرال دوستم نینگ دوسیه سینی حذف قیلیش ده حکومت نینگ حقی یوق دیر و بو توغریده هیچ بیر گروه اونینگ غیابتی ده دوستم بیلن مذاکره قیلمه سی کیره ک.
احمد ایشچی گه کوره، دوسیه سی تیکشیریلیشی خصوصیده، حکومت بی فرق یانده شگن و او عدالت عمل گه آشیریلیشی اوچون دوستم دن خلق ارا محکمه سیگه شکایت قیلگن. ایشچی‌نینگ کوپه‌یتیریشیچه، جنسی زورلش‌گه عیب‌لنگن جمهورلیک ریاستی‌نینگ بیرینچی اورین باسرلیک قوروقچی‌لریدن بولگن 7 کیشی حاضرگچه قولگه آلینمه‌گن.
حقوقدان و بیلیم یورت استادی موسا فریدنینگ ایتیشیچه، جنرال عبدالرشید دوستم تامانیدن احمد ایشچی گه قرشی جنسی زوره‌وانلیک ادعا قضایی چرخه گه کیرگن و کیم‌سه بو قضیه‌نی حذف قیله آلمه‌یدی.
شونینگ‌دیک، سیاسی ایش بیلرمان اسحاق اتمر، بو توغریده شونده‌ی فکر بیلدیره‌دی. جناب اتمرنینگ ایشانچی گه کوره، دوستم‌نینگ دوسیه‌سی سیاسی ایمس، بلکیم حقوقی دعوا و بونی کیچیریش گه جمهور رییس اشرف غنی‌نینگ هم صلاحیتی یوق دیر. اتمرنینگ ایتیشیچه، یالغیز ادعا قیلگن کیشی، جمهورلیک ریاستی‌نینگ بیرینچی اورین باسری گه قرشی قضیه‌دن وازکیچه آله‌دی.
جمهور رییس بیرینچی اورین باسری عبدالرشید دوستم تامانیدن احمد ایشچی گه قرشی جنسی زوره‌وانلیک دوسیه‌سی توغریسیده باش قاره‌لاوچیلیک و جمهورلیک ریاستی هیچ نرسه دیمه‌یدی. بیراق بیر منبع‌نینگ سلام‌وطندارگه ایتیشیچه، دوستم بیلن جمهور رییس کیلیشگن و اونی دوسیه‌سی تیکشیریلمه‌یدی.
افغانستان جنبش حزبی‌نینگ سابق اعضالریدن بیری احمد ایشچی، ایکی ییل آلدین، 4- قوس ده ایتیشیچه، اوغلاق میدانیده جمهور رییس بیرینچی اورین باسری بیلن کوریشگنیدن سونگ، اونینگ تامانیدن کلتک لنیب و جنسی زورلنیش حرکتی گه دوچ کیلگن.
بو قضیه جدی عکس‌العمل‌لرگه روپه‌ره بولدی و دوامیده ملی و خلق ارا اداره‌لر بو قضیه جدی شکلده تیکشیریلیشی‌نی سوره‌دیلر. بیر مدت اوتگنیدن سونگ، جمهور رییس بیرینچی اورین باسری ترکیه کیتدی؛ حاضرگه‌قدر جناب دوستم مملکت‌دن سورگون ایتیلگنی توغریسیده، مِش-مِش‌لر موجود، بیراق بیر منبع‌نینگ سلام‌وطندارگه ایتیشیچه، دوستم تیزلیک‌‌ده مملکت گه قیته‌دی.
