افغانستان سیلاولر ایرکین کمیسیونی، تیزلیکده نمایندهلر کینگشی و تومنلر کینگشی سیلاولرینینگ تأریخینی اعلان قیلیش گه قرار قیلگن. شونینگدیک، نمایندهلر کینگشی مذکور کمیسیون مسؤوللرینی سیلاولر قندهی بیر شکلده یولگه قوییلیشی خصوصیده، معلومات بیریشلری اوچون بوگونکی عمومی ییغین گه چقیردی. بیراق، سیلاولر ایرکین کمیسیونینینگ مسؤوللری، بیر مکتوب یوباریب مجلس گه کیلیش دن وازکیچگنلر.
عین حالده، نمایندهلر کینگشی اعضالریدن بیرقطاری، مملکتدهگی خوفسیزلیک و سیلاولر تنیق و عدالتلی شکلده یولگه قوییلیشی اوچون زمینه یرهتیلمهگنیدن خواطر بیلدیریب ایتیشیچه، جمهورلیک ریاستی، نمایندهلر کینگشی و تومنلر کینگشی سیلاولر بیردیک یولگه قوییلیشی کیرهک.
نمایندهلر کینگشی اعضالریدن نعمتالله غفاری و نعیم لالی حمیدزینینگ ایتیشیچه، سیلاولر یولگه قوییلیش خرجتی آز بولیشی اوچون، اوچ سیلاو بیردیک یولگه قوییلیشی لازم.
بیراق، نمایندهلر کینگشی اعضالریدن باشقه بیرقطارینینگ ایتیشیچه، حاضرگی شرایط گه قرهگنده برچه قبول قیلهدیگن سیلاو تنیق بولیشی کیرهک. اولرگه کوره، حاضرگی شرایط ده تنیق و عدالتلی سیلاو یولگه قوییلیشی امکاندن اوزاق دیر.
نمایندهلر کینگشی باشلیغی عبدالرؤوف ابراهیمی، جمهور رییس، اجراییه باشلیغی و افغانستانده دموکراسی طرفدارلریگه خطاب ایتیشیچه، سیلاولر ایرکین کمیسیونی تنیق و عدالتلی شکلده سیلاولرنی یولگه قویه آلمهیدی.
نمایندهلر کینگشی اعضالریدن باشقه عبدالله محمدی و همایون همایون، کیلهجک سیلاولر نتیجهسیدن خواطر بیلدیریب ایتیشیچه، جمهور رییس غنی سیلاولر ایرکین کمیسیونی گه سونگی دورگه اوز کیشیلردن باشقه کیمسه نمایندهلر کینگشی گه یول تاپمهسی توغریسیده بویروغ بیرگن. اولرگه کوره، جمهور رئیسنینگ بو ایشی سیلاولر کمیسیونینینگ ایشی گه آچیق و قانون گه قرشی ارهلشگنینی کورستهدی.
عین حالده، سیلاولر ایرکین کمیسیونی اعضاسی معاذ دولتینینگ سلاموطندارگه ایتیشیچه، نمایندهلر کینگشینینگ سلیقهیی تعییناتی توغریسیده جمهورلیک ریاستی حاضرگچه اولرگه هیچ نرسه دیمهگن.
جناب دولتینینگ اییتشیچه، جمهورلیک ریاستی، نمایندهلر کینگشی و تومنلر کینگشی سیلاولری بیردیک یولگه قوییلیشی فنی قیینچیلیکلرگه دوچ کیلهدی. اونگه کوره، اوشبو ریجه بوندن آلدین کمیسیون بیلن شریک قیلینگن، بیراق بودجه یوقلیگی، کاغذ اوینهتیش و فنی قیینچیلیکلر باعث، اوندن وازکیچیلدی.
