سمنگان ولایت مقامیدن چیکلنتیریلگن حاکم عبدالکریم خدام دن حمایت بیلدیرگن بلخ، جوزجان، فاریاب و قندوز ولایتلریدن بیر ییرده توپلنگن اونلرچه ترکمن، مرکزی حکومت تامانیدن جناب خدام چیکلنتیریلیشینی قوم پرستلیک و کیچیریم سیز دیب بیلهدیلر.
اولرنینگ ایتیشیچه، افغانستان نفوذی دن 3 میلیوننی ترکمنلر تشکیل بیرهدی و بونچه جمعیت اساسیده، ترکمنلر نیچه وزیرلیک، ایلچیخانه، ولایت و امنیتی پستلرگه حقلی دیر.
اوشبو اعتراضچیلر، جمهورلیک ریاستینینگ فرمانینی قبول قیلمهگن خدامنینگ قراریدن حمایت بیلدیریب و خدام سمنگان ولایتینینگ حاکمی صفتیده ایشیگه دوام بیریشینی سورهگنلر.
نمایندهلر کینگشینینگ سابق اعضاسی روزی گیلدی آوچینینگ ایتیشیچه، ملی بیرلیک حکومت کیلیشوو اساسیده ایجاد ایتیلگن و بیر ولایت ترکمنلرنینگ حقی دیر.
ترکمن قوم بویوکلرینینگ ایتیشیچه، اولر حقلریگه ایریشیش اوچون کینگ ناراضیلیکلرگه قول اورهدیلر و کته قتناو یوللرنی ترافیک یوزیگه یاپیشلری ممکن.
عبدالکریم خدامنینگ چیکلنتیریلگنیگه عکسالعمل بیلدیرگن اسلامی جمعیت حزبی هم بیر اعلامیه ترقهتیب جمهورلیک ریاستینینگ قرارینی بیر تامانلمه دیگن.
اعلامیهده کیلیشیچه، افغانستان اسلامی جمعیت حزبی ملی بیرلیک حکومتینینگ تشکیلیگه حصه قوشگن اساسی تامانلردن بیری دیر و سمنگان حاکمی چیکلنتیریلیشی توغریسیده بیریلگن بویروغ مملکتده قرهمه قرشیلیکلر کوپهییشی اوچون باشقه بیر آدیم سنلهدی.
جمهورلیک ریاستی، سونگی کونلرده چیکلنتیریلگن حاکملر توغریسیده هیچ نرسه دیمهیدی و کیینمه کیین سعی و حرکتلر نتیجهسیده، اداری ایشلر بوییچه فعالیت قیلهدیگن اداره فکرینی آلیشگه مؤفق بولمهدیک.
کمیده ایکی آی آلدین، بلخ ولایت مقامیدن چیکلنتیریلگن عطامحمد نور، جمهورلیک ریاستی تامانیدن بیریلگن بویروغنی قبول قیلمهدی و کوپینچه بحثلردن سونگ، اسلامی جمعیت حزبی مملکتنینگ 15 ولایتیده کینگ ناراضیلیک نمایش یولگه قوییشگه قرار قیلگن.
