د کډوالو او بېرته راستنېدونکیو چارو وزارت مطبوعاتي سلاکار حفیظالله میاخېل سلاموطندار ته وویل، د تېرو دوو اوونیو په پرتله له ایرانه افغانستان ته پهخپله خوښه او اجباري ډول د کډوالو راستنېدنکیو افغانانو کچه لوړه شوېده.
د هغه په وینا، ویستل شوي کډوال وهلټکول شوي او بد چلند ورسره شوی، دغه راز د هغوی بشري حقونه تر پښو لاندې شوي.
ښاغلی میاخېل په اجباري توګه د افغانکډوالو ویستلو لامل د ایراني پیسو د بیې ټيټېدل بولي او اويي، په زوره د ویستل شویو کډوالو ډله کې ماشومان او ښځې هم شته.
د کډوالو او بېرته راستنېدونکیو چارو وزارت مطبوعاتي سلاکار د کډوالو په زوره ویستل د اندېښنې وړ بولي او زیاتوي، افغان حکومت مستحقو کډوالو ته د ځمکو وېشلو په پروګرام کار کوي.
د هرات د کډوالو او راستنېدونکیو چارو رییس جاوید نادم په وویل چې د سرطان میاشتې په اوږدو کې ۱۴ زره او ۱۳۲ تنه افغانان د هرات د اسلامکلا له لارې له ایرانه په اجباري ډول راګرځول شوي.
په ورته وخت کې د دویچهولې فارسي وېبپاڼې د ایراني چارواکیو له خولې د کډوالو د ایستلو د دلیل په اړه لیکلي چې د ایراني وګړیو د کاري موکو د کمښت په پار یې په اجباري ډول افغانان ویستي دي.
لهدې هر څه سره د کډوالو نړۍوال سازمان یا IOM په خپل تازه راپور کې کښلي چې د تېرې اوونۍ په پرتله له ایرانه د بېرته ګرځول شویو افغانانو په شمېر کې دوه سلنه زیاتوالی راغلی دی.
د دې راپور په وینا، د ۲۰۱۸ کال د جولای له ۸ تر ۱۴تاریخه پورې له ایرانه ۱۳ زره ۹۴۶ تنه بېسندونو افغانان د نیمروز له لارې افغانستان ته راګرځول شويدي.