د امریکا ولسمشر ډونالډ ټرمپ او د شمالي کوریا رهبر کیمجونګ اون نن ورځ سه شنبې د سنګاپور سنتوزای ټاپو په کاپلا پنځه ستوریز هوټل کې سره ولیدل.
په دې لیدنه کې د امریکا د بهرنیو چارو وزیر مایک پمپيو، د سپینې ماڼۍ د کارکوونکیو رییس جان کلي، د امریکا د ملي امنیت سلاکار جان بولتون، د شمالي کوریا د بهرنیو چارو وزیر بيیونګ هو، د شمالي کوریا د حاکم کارګر ګوند مرستیال ریسو یونګ او د شمالي کوریا د اطلاعاتي سازمان پخواني رییس کیمیونګ چول دغه دوه مشران بدرګه کړل.
ډونالډ ټرمپ او کیمجونګ اون د پردې ترشا له خبرواترو سربېره د ژباړونکیو په موجودیت کې یو سند لاسلیک چې تراوسه یې جزیات معلوم نه دي.
د دغې لیدنې اصلي موخه له هستوي وسلو د شمالي کوریا بېوسلې کول دي. د امریکا ولسمشر وايي، کیمجونګ اون ژمنه کړې چې کره ټاپو وزمه له هستوي وسلو پاکوي.
د سویلي کوریا ولسمشر او لومړی وزیر یې د دغې لیدنې له نورو ملمنو وو. د جاپان او مالیزا هېوادونو مشرانو له دې لیدنو هرکلی کړی دی. خو د چین هېواد خبرداری ورکوي. وايي، چې غوره پایلې ته د رسېدو په موخه د سیالۍ پرځای د خبرواترو دقیق او دوامدار مسیر وټاکل شي.
له ۱۹۵۳ کال د کوریا له جګړې وروسته دا لومړی ځل دی چې د دواړو هېوادونو مشرانو سره ولیدل. په دې ترتیب سره د امریکا د شمالي کوریا ترمنځ روان جنجال یو څه راکم شوی دی.
