طالبان رهبری ملاهبتالله آخندزاده، رمضان هییتی مناسبتی بیلن نشر قیلگن پیامیده، آمریکا دن اوشبو گروه بیلن امضا قیلگن تینچلیک شرطنامهگه توسیق بولیش اوچون هیچکیمگه رخصت بیرمهیشینی سورهگن.
مذکور پیامده ملاهبتالله نینگ ایتیشیچه، آمریکا و طالبان آرهسیده امضا ایتیلگن تینچلیک شرطنامه اوشبو گروه یوتوقلیگی سنهلهدی و بو شرطنامه صادقانه شکلده عملگه آشیریلگن صورتده، بوتون طرفلرنینگ منفعتیگه دیر.
طالبان رهبری نینگ تاکید قیلیشیچه، بو گروه امضا ایتیلگن شرطنامهگه تعهدلی و آمریکا نینگ اوز تعهدلریگه توختهتیشی کیرهک.
پیام نینگ بیر بولیمیده محبوسلرنینگ وضعیتیگه اشاره قیلینیب ایتیلیشیچه، دولت قماقخانهلریده بولگن محبوسلر یمان وضعیتده حیات کیچیرهدیلر.
جناب آخندزاده، انسان دوستلیک نهادلردن بوتوغریده دقت قیلیشینی سورهب و محبوسلرنینگ قوییب یوباریلیشی خصوصیده سعی و حرکتلر قیلینیشی کیرهک دیگن.
آمریکا و طالبان آرهسیده بولگن تینچلیک شرطنامه اوتگن ییل 10 حوتده قطر باشکنتی دوحه شهریده امضا قیلیندی.
مذکور شرطنامهگه کوره، دولت قماقخانهلریده بولگن طالبان محبوسلریدن 5 مینگ تهسی و دولت نظارتیده بولگن امنیتی کوچلردن 1000 تهسینی قوییب یوباریلیشی ممکن.
حاضرگهقدر دولت قماقخانهلریده بولگن طالبان محبوسلریدن 1000 تهسی و طالبان نظارتیده بولگن امنیتی کوچلردن 105 تهسی قوییب یوباریلگن.
