سمنگان حاکمی اورین باسری صفت‌الله سمنگانی نینگ ایتیشیچه، اوشبو ولایت نینگ ملی خوفسیزلیک ریاستی گه هجومچی‌لر تامانیدن بولگن هجوم امنیتی کوچلر بیلن 6 ساعت آتیشیب و ایکی هجومچی اولدیریلگنیدن سونگ یکونلنگن.
اونگه کوره، بو هجوم ده 2 عیال شامل مذکور ریاست نینگ 12 ایشلاوچیسی هلاک ایتیلگن و باشقه کوپینچه‌سی تینچ اهالی بولگن 63 کیشی یره‌لنگن.
سمنگان حاکمی اورین باسری نینگ ایتیشیچه، اوشبو واقعه یره‌دارلریدن کوپینچه‌سی نینگ ساغلیک وضعیتی یخشی دیر.
عین حالده، سمنگان ولایت کینگشی اورین باسری محمدهاشم سروری نینگ ایتیشیچه، حاضرگه‌قدر اوشبو واقعه ده 70 تینچ اهالی یره‌لنگن.
بیراق، سمنگان ولایتیده ساغلیقنی سقلش ریاست باشلیغی عبدالخلیل مصدق نینگ ایتیشیچه، حاضرگه‌قدر واقعه یوز بیرگن محل دن اوچ باله و بیر عیال شامل 43 یره‌لی کسلخانه گه انتقال بیریلگن.
محل یشاوچیلری نینگ ایتیشیچه، پارتلش کوچلی بولگنی باعث، تینچ اهالی نینگ اویلری بوزیلگن.
طالبان گروهی واقعه مسؤولیتی‌نی بوینیگه آلیب ادعا قیلیشیچه، بو واقعه ده سمنگان ولایتی نینگ ملی خوفسیزلیک ریاستی نی ایشلاوچی‌لریدن 70 ته‌سی هلاک و یره‌لنگن.
