غزنی حاکمی سوزلاوچیسی واحدالله جمعه‌زاده نینگ ایتیشیچه، بوگون "دوشنبه" ایرته‌لب ساعت 3:00 ده طالبان گروهی پارتلووچی ماده جایلشتیریلگن بیر هاموی تانک‌نی ده‌یک ولسوالیک مقامی برابریده پارتلتگن.
اونینگ ایتیشیچه، اوشبو پارتلش‌ده حاضرگه‌قدر ده‌یک پولیس قومندانلیگی نینگ اپراسیون آمری شامل، 3 حربی هلاک و باشقه 9 حربی یره‌لنگن.
غزنی حاکمی سوزلاوچیسی نینگ کوپه‌یتیریشیچه، طالبان گروهی اوشبو تومن‌ده بیرقطار حربی مرکزلر اوستیگه هجوم قیلگن، بیراق امنیتی کوچلر تامانیدن کیین‌گه اوریلگن.
عین‌حالده، غزنی پولیس قومندانلیگی سوزلاوچیسی احمدخان سیرت نینگ ایتیشیچه، طالبان جنگریلری اوتگن کیچه اوشبو ولایت مرکزیده جایلشگن بیرقطار پوسته‌لر اوستیگه هجوم قیلگن، بیراق تلفات خصوصیده هیچ‌قنده‌ی معلومات یوق.
طالبان گروهی حاضرگه‌قدر بوتوغریده فکر بیلدیرمه‌گن.
