ناتو باشکاتبی ینس استولتنبرگ بیر اعلامیه آرقهلی ایتیشیچه، افغانستان ده حضوری توغریسیده بو تشکیلات نینگ مدافعه وزیرلری بیلن صحبت اوتکزیشی ممکن.
استولتنبرگ نینگ ایتیشیچه، ناتو افغانستان ده حضوری خصوصیده متعهد دیر. چونکه اونگه کوره، بو تینچلیک توغریسیدهگی سعی و حرکتلردن حمایت قیلیش اوچون یخشی بیر یول دیر.
ناتو نینگ بیاناتی گه کیلیشیچه: «بیزلر یخشی یوتوقلرگه شاهدمیز. افغانستانلیکلرارا سوزلشوولرنینگ حقیده سوزلهش، اوشبو مملکتده دایمی بیر تینچلیک تأمین ایتلیب و افغانستان نینگ فاجعهسیگه تینچ بیر یول تاپیش معناسیگه دیر.»
ناتو باش کاتبی بیاناتی نینگ بیر بولیمیده عراق مملکتی حقیده ایتیشیچه، بو تشکیلات نینگ مدافعه وزیرلری بیلن صحبت اوتکزیشی ممکن.
جناب استولتنبرگ عراق محلی و امنیتی کوچلری گه تعلیمات بیریش و بو کوچلرنینگ ظرفیتلرینی یوقار ایلتیش نی بو مملکتده داعش نینگ قیته کیلیشی نی آلدینی آلیش اوچون اونملی دیگن. اونگه کوره، اروپا بیرلشیگی و ناتو افغانستان و عراق ده بیربیراولریگه همکارلیک قیلهدی و عراق ده سعی و حرکتلرنی تیزلشتیرماقده.
بو اعلامیه نینگ باشقه بیر بولیمیده ناتو باش کاتبی بلاروس نینگ فاجعهسیگه اشاره قیلیب ایتیشیچه: «بیزلرنینگ چیگرهمیزدهگی بلاروس نینگ فاجعهسی کوپهیماقده و بیزلر اونینگ نظر آستیده آلگنمیز. بلاروس اهالیسی اوز کیلهجکلرینی اوزلری تعیین قیلیش گه حقلی دیر.»
الکساندر لوکاشنکوف بلاروس جمهورلیک ریاست سیلاوی نینگ غالبی صفتیده تانیلگنیدن کیین، ۹- اگست آیی ده مذکور مملکتده کینگ ناراضلیک نمایش یولگه قوییلدی. اعتراضچیلرنینگ ایتیشلریچه، بو سیلاو ساختهکارلیکدن تولیق بولگن و سیلاو نینگ اصلی غالبی خانو تیخانو فسکایا دیر.
ینس استولتنبرگ نینگ ایتیشیچه، ناتو شرقی مدیترانه نینگ وضعیتی توغریسیده خواطرگه دیر «بیزلرگه کیرهکلی نیرسه جنجللرنی کمهیتیریش و سوزلشوو دیر. ترکیه و یونان ایکیسی هم ناتو نینگ اونملی بیرلشیکلریدن دیر و بیزلر خلقارا قانونلرگه ماس و بیرلشیکلرنینگ ایستهگی اساسیده شرقی مدیترانهدهگی موجود وضعیت نی حل قیلیش اوچون بیر یول تاپیشیمیز کیرهک دیر.»
ناتو باشکاتبی اوشبو بیاناتی گه مدیترانه نینگ وضعیتی توغریسیده آلمان نینگ سعی و حرکتلرینی خوش قرشیلب ایتیشیچه: «مین اوزیم هردایم انقره و آتن بیلن علاقه گه من. مین ینگیلیککه یونان نینگ باش وزیری بیلن سوزلشدیم و شرقی مدیترانهدهگی وضعیت گه حل یول تاپیش اوچون ناتو نینگ تنلهدیک.»
ینس استولتنبرگ کمیده ایکی هفته آلدین جمهوررئیس غنی و عبدالله عبدالله بیلن اوتکزگن تلفونی علاقه گه افغانستان ده ترورچیلیک که قرشی کورهش خصوصیده ایشانچ بیریب ایتیشیچه، ناتو افغانستان ده حضوری نی تینچلیک پروسهسیدن حمایت قیلیش اوچون تنظیم قیلیشی ممکن.
