جمهورلیک ریاست بیرینچی اورین‌باسری امرالله صالح نینگ ایتیشیچه، مذاکره و تینچلیک قیلیش، دشمن بیلن تینچلیککه حیات کیچیریش معناسیگه ایمس.
بوگون (سه‌شنبه ۱۸- سنبله) جمهورلیک ریاست بیرینچی اورین‌باسری امرالله صالح، احمدشاه مسعود نینگ ترور ایتیلگنی نی ۱۹- ییل‌لیگیدن ایسله‌ش مراسمی گه نطق سوزلب ایتیشیچه، طالبان گروهی نینگ توشونیشی کیره‌ک کیم بو گروه بیلن مذاکره قیلیش اهالی نینگ ارزش‌لریدن وازکیچیب و بو گروه نینگ ایسته‌کلری باش قوییش ایمس دیر.
اونینگ کوپه‌یتیریشیچه: «طالبان گه ایته‌میز کیم جمهورلیک بیر نیچه کیشی نینگ تیزیمی ایمس، بلکیم اونینگ برقرار ایتیلیشی اوچون ۳۴ ولایت هالیسی قربانی بیرگن.»
اونینگ اورغولشیچه، نه دولت و نه هم طالبان بیربیراولریگه تسلیم بوله‌دی. اونگه کوره، یالغیز یول اهالی نینگ آوازی گه مراجعت قیلیش دیر.
مذکور مراسم ده باشقه بیر قطار سیاستچیلر هم شرکت قیلگن ایدی. عین حالده، تینچلیک عالی کینگشی نینگ سابق باشلیغی محمدکریم خلیلی نینگ ایتیشیچه، طالبان بیلن تینچلیک قیلیش اوتمیش گه قیتیش معناسیگه کیلمه‌یدی و افغانستان نینگ ینگی نسلی آرتده قیتمه‌یدی.
افغانستان سیاستچی‌لری بونده‌ی بیانات بیرگن بیر حالده، افغانستان‌لیکلرارا سوزلشوو باشقه نیچه کون گچه باشله‌نیشی گه قرار قیلینگن. طالبان گروهی نینگ ایتیشیچه، بو گروه محبوس‌لری افغانستان دولتی تامانیدن بوتونلی قوییب یوباریلگنیدن کیین، افغانستان‌لیکلرارا سوزلشوولر باشله‌نیشی ممکن.
افغانستان‌لیکلرارا سوزلشوو قچان و قییرگه یولگه قوییلیشی حاضرگچه بیللی بولمه‌گن.
