استیفانو پانتیکورو، افغانستان بوییچه ناتو تشکیلاتی نینگ خاص نماینده‌سی دیر. سلام‌وطندار تینچلیک سوزلشوولری و کیله‌جکده بو تشکیلات نینگ افغانستان دن حمایت قیلیشی یا-ده قیلمه‌یشی توغریسیده بیر سوزلشوو اوتکزگن.
سلام‌وطندار: تینچلیک پروسه‌سینی قنده‌ی تیکشیره‌سیز؟
استیفانو پانتیکورو: تینچلیک سوزلشوولری افغانستان اوچون تاریخی بیر لحظه دیر و بو اوزون مدتلی اوروش نی یکونلنتیریش اوچون بیر فرصت دیر. بو آتیشمه‌لرنینگ حربی ییچیم یولی یوق، بلکیم اونینگ یالغیز سیاسی ییچیم یولی مذاکره قیلیش دیر. بیزلر افغانستان‌لیکلرارا سوزلشوولرنینگ باشلنگیچی گه قرار تاپگن‌میز و بو سوزلشووده ایکی تامان افغانستان نینگ کیله‌جگی اوچون بیربیراولری بیلن اوچره‌شگن.
بیللی کیم بو ساده بیر پروسه ایمس، بیراق برچه تامانلر یخشی نقش آلیش بیلن تینچلیک خصوصیده سوز بیریش‌لری کیره‌ک و نهایتده بولر تینچلیک اوچون کیره‌کلی دیر.
حاضرگچه قطار خواطرلر بار ایدی و حاضر کوره‌دیگن نیرسه‌لریم، تامانلر بیربیراولری بیلن اوچره‌شی، اولر آرقه‌لی قانونلر ایجاد ایتیلیشی و اولرنینگ آره‌سیده فردی و تیمی علاقه‌لر ایجاد ایتیلگنی مینینگ ترغیب قیلگن.
سلام‌وطندار: تینچلیک سوزلشووولری باشلنگن بیرحالده، اوروش میدانی ایسیگن و اوروش فصلی نینگ عرفه‌سیده زوروانلیکلر کوپه‌یشی ممکن، بو توغریده فکرینگیز نیمه دیر؟
استیفانو پانتیکورو: بیزلر طالبان آرقه‌لی زوروانلیکلر میزانی کوپه‌یگنی گه شاهد میز. مین افغانستان امنیتی و مدافعه کوچلری و شونینگدیک تینچ‌اهالیسی گه قرشی طالبان هجومی نی محکوم قیله‌من. بونینگ هیچ بیر معناسی یوق دیر، مذاکره قیله‌دیگن بیرحالده سوزلش کیره‌ک نه اوروشیش.
زوروانلیک ایشانچ اوچون زمینه یره‌تیش گه تینگ ایمس و بو موضوعلر تینچلیک اوچون یخشی فضا یره‌تیش گه تینگ ایمس دیر. طالبان زوروانلیک‌لرنی کمه‌یتیریش بیلن تینچلیک توغریسیده اوز تعهدلری نی کورسه‌تیش‌لری کیره‌ک. برچه‌دن اونملی بو دیر کیم افغانستان اهالیسی اوزون پیتدن بویان اوروش دن عذاب کوره‌دی.
زوروانلیکلر کمه‌یتیریلیشی افغانستان اهالیسی گه تینچلیک خصوصیده ایشانچ نی کوپه‌یتیره‌دی. یشاوچیلر تینچلیک اوچون اورته گه کیلگن فرصت‌لردن فایده‌لنیش نی ایسته‌یدی.
ناتو افغانستان اهالیسی نینگ خوفسیزلیگی تأمین‌لنیشی اوچون ترورچیلیککه قرشی افغانستان حکومتی و امنیتی کوچلریدن حمایت قیلیش گه متعهد دیر.
سلام‌وطندار: تینچلیک سوزلشوولریده ایکی موضوع ارایه قیلینگی گه قره‌گنده، افغانستان نینگ کیله‌جگی اوچون ناتو نینگ نقشی قنده‌ی دیر، انسان حقوقی و دموکراسی می یا-ده طالبان ایسته‌یدیگن اسلام‌گرالیک و امارتی تیزیم می؟
استیفانو پانتیکورو: برچه‌میز بیله‌میز کیم حاضرگی افغانستان ۲۰۰۱- ییل افغانستانی بیلن کوپینچه فرقی بار. بو فرقلر افغانستان امنیتی کوچلری نینگ کوچلی اراده‌سی و یشاوچیلرنینگ سعی و حرکتی بیلن اورته گه کیلگن. افغانستان اهالیسی و امنیتی کوچلری بو ییرگه ییشیتیش اوچون قربانی بیریب و کوپ ایشله‌گن.
افغانستان امنیتی کوچلری ناتو کوچلری بیلن افغانستان اهالیسی گه تینچ فضا، ایرکین اقتصاد و اجتماعی یوتوقلر ایجاد قیلیش اوچون یاردم بیرگن کیم نتیجه‌ده، افغانستان اهالیسی نینگ اورته یاشی کوپه‌یگن، باله‌لرنینگ اولیش میزانی کمه‌یگن و قیز باله‌لر شامل کوپینچه باله‌لر مکتب گه شامل بولگن. ینگی بنیادی ایشلر و شونینگدیک میدیالرنینگ نقشی هیچ قچان ایسدن چیقاریلمه‌سی کیره‌ک.
بولرگه علاوه بیزلر تورلی بولیم‌لرده عیاللرنینگ حضوری گه شاهد بولگن‌میز، شو یوزه‌دن افغانستان ده دواملی بیر تینچلیک تأمین ایتیلیشی اوچون عیاللرنینگ حقوقی شامل ایسلنگن برچه افغانستان‌لیکلرنینگ حقلری سقله‌نیب و قانون دن حمایت قیلینیشی کیره‌ک.
بیزلر تینچلیک خصوصیده بولگن برچه سعی و حرکت‌لردن حمایت قیله‌میز. برچه تینچلیک ایسته‌یدی، بیراق تینچلیک یوتوق‌لرنینگ قربانی بولیشی گه تمام بولمه‌سی کیره‌ک. افغانستانلیکلر آرتده قیتیش نی ایستمه‌یدی و بونده‌ی بولگن صورتده، دواملی تینچلیک تأمین بولمه‌یدی. بیزلر یخشی بیر کیله‌جک اوچون افغانستان اهالیسی بیلن شانه به شانه توخته‌یمیز.
سلام‌وطندار: افغانستان اهالیسی اینقسه عیاللر و اقلیت‌لر کیله‌جک خصوصیده خواطر بیلدیره‌دیلر، ناتو نینگ بن دن سونگ وضعیت حمایتچی‌سی صفتیده، بو خواطرلر خصوصیده موضوعی نیمه‌دی؟
استیفانو پانتیکورو: ینه هم ایته‌من بیز و خلق ارا جماعه‌سی عیاللر، باله‌لر و اقلیت‌لر حقوق‌لری خصوصیده افغانستان جماعه‌سی قدر حساس و خواطرگه‌میز. افغانستانده تینچلیک تامین‌له‌نیشی اوچون عیاللر، باله‌لر و اقلیت‌لرنینگ حقوق‌لری سقله‌نیب و قانون و ایرکین سوز کوچلی قیلینیب و حمایت قیلینیشی کیره‌ک. حکومت تامانیدن تعیین‌لنگن مذاکره قیلیووچی هیاتده عیاللرنینگ حضوری امیدلنترووچی، هیات تشکیلایده کوچلی عیاللر بار و تینچلیک سوزلشوولرنینگ بوتون موردلریگه صحبت قیله‌دیلر.
عیاللر جماعه‌ده بیرینچی اورینی ایفا قیله‌دیلر. انسان حقوقی سقلنمه‌ی و دموکراسی و اساسی قانون یوتوق‌لری آرتده قیته‌ریلگن صورتده، کیله‌جکلرده خلق ارا حمایت قیلیووچی‌لرنینگ حمایت‌لرینی قولگه کیلتیریش‌نی قیین بولیشی ممکن. بیز هرتامانلمه و هرکیم نینگ حقوقی سقلنه‌دیگن افغانستان دن حمایت قیله‌میز و شونینگدیک، افغانستانی ترورست‌لر مرکزیگه اوزگرمه‌یشی خصوصیده ایشانچ بیریلیشی کیره‌ک.
سلام‌وطندار: «افغانستان تینچلیک کیلیشوویدن» سونگ، طالبان گروهی القاعده بیلن بولگن رابطه‌سینی توخته‌تمگنی خصوصیده گزارش‌لر نشر قیلینگن و زوروانلیک‌لرنی هم کمه‌یتیرمه‌گنلر، سیزنینگ نظری‌گیزدن طالبان گروهی تعهدلریگه عمل قیلگن می؟
استیفانو پانتیکورو: طالبان گروهی دن زوروانلیک کمه‌یتیریلیشی و باشقه تروریستی گروه‌لر بیلن رابطه‌سینی توخته‌تیب قویشی شامل بوتون تعهدلریگه عمل قیلیشی‌نی کوته‌میز. حاضرده اوشبو موضوع اهمیت‌لی دیر، چونکه افغانستان تینچلیک سوزلشوولر بیر کیلیشووگه سبب بوله‌دی و زوروانلیک کمه‌یتیریلیب و افغانستان بوتون یشاوچی‌لری نینگ حقوق‌لرینی سقله‌نیشی، قانون‌لرنی کوچلی و افغانستانی ینه‌بیر مرته تروریست‌لر مرکزیگه اوزگرمه‌یشی خصوصیده ایشانچ بیریلیشی کیره‌ک.
بیز، طالبانی تعهدلریگه عمل قیلیشی‌نی کوریش اوچون بوتون یوتوقلرنی یقین‌دن نظارت قیله‌میز و شونینگدیک، افغانستان امنیتی نهادلریدن کیسکین حمایه‌وی ماموریتی آرقه‌لی، مالی حمایتی‌میزگه تعهدلی میز.
سلام‌وطندار: تینچلیک سوزلشوولر و اوروش‌نی شدت‌لنگنی‌گه باقیش بیلن، نیمه توشینه‌سیز افغانستانده سیزلرنینگ حمایت‌لرینگیزگه بولگن نظام قانون و مردم‌سالارلیک‌که عمل قیلمه‌دی می؟ مثال صفتده افغانستانده قوا نینگ تفکیک قیلیش اصلی زیان کورگن و پارلمان چیت‌گه چیقاریلگن.
استیفانو پانتیکورو: افغانستان نینگ حاضرگی سیاسی نظامی جدی چالیش بیلن روپه‌ره بولگن و بیز کون اوتیش بیلن اونگه شاهد میز. افغانستان حکومتی نینگ کامل صورتده تینچلیک سوزلشوولرده کیریشی سبب، بیز جمهوریت‌نی تکه‌تکه بولیشیدن خواطرگه میز. افغانستان رهبرلرینی بیرلیکده تینچلیک سوزلشوولرگه کیریب و جمهوریت‌نی کوچلی قیلیش‌لری اوچون سعی و حرکت قیلیش‌لری کیره‌ک. بیرلیک و بیر پارچه‌لیک بولمه‌گن صورتده، وضعیت طالبان منفعتی‌گه یکونلنه‌دی. افغانستان رهبرلری اوز موضوع‌لرینی کوچلی قیلسین، مملکت‌لرینی اولویت‌گه قرار بیریب و اهالی نینگ تینچلیک ایسته‌گی‌گه جواب قیترسین. افغانسان یشاوچی‌لری تینچلیککه قرشی بولگن هیچ‌کیم‌نی ایسدن چیقارمه‌یدی و کیچیرمه‌یدی.
سلام‌وطندار: سوزلشووگه فرصت بیرگنینگیز اوچون رحمت
