هلمند ولایتیده ایکی بمب اورنه‌تیلگن موتر پارتله‌نیش نتیجه‌سیده حربی کوچلردن 8 کیشی جان بیرگن. هلمند ولایتی‌نینگ محلی رسمیلری‌گه کوره، بوگون ایرته‌لب طالبیلر ایکی موترده بمب اورنه‌تیب ولایت گرشک تومنی‌نینگ آدم‌خان و اوپاشک منطقه‌لریده‌گی امنیتی کمربندلرده پارتلنتیرگنلر.
اسمی سیرسقلنیش شرطی بیلن سلام‌وطندارگه امنیتی منبع‌نینگ ایتیشیچه، هلمند ولایتی‌نینگ گرشک تومنیده‌گی امنیتی پوسته‌لرده پارتلنگن موتربمب‌لر نتیجه‌سیده 6 پولیس و اردو کوچلریدن 2 کیشی جان بیرگن و باشقه 3 امنیتی پوسته هم طالبلرنینگ نظارتیده اوتگن.
منبع گه کوره، حاضر هم امنیتی کوچلر بیلن طالبلر اورته‌سیده منطقه ده اوروش جریانی بار.
بیراق هلمند پولیسی‌نینگ سوزلاوچیسی عبدالسلام افغان‌نینگ ایتیشیچه، پارتلاو حادثه‌لرده اردو کوچلریدن 2 کیشی و 3 پولیس یره‌دار بولگن. اونگه کوره، اوچینچی موتر پارتلنمسدن آلدین امنیتی کوچلر تامانیدن تانیلیب بیکار قیلینگن.
هلمند پولیسی‌نینگ سوزلاوچیسی، منطقه ده طالبلرنی نابود قیلیش اوچون ییر و هواییدن حربی کوچلر عملیات باشله‌گن دیگن.
طالبلرنینگ سوزلاوچیسی قاری یوسف احمدی‌نینگ ایتیشیچه، پارتلش حادثه‌لریده امنیتی کوچلردن 30 کیشی هلاک بولگن و 4 امنیتی پوسته ایسه مذکور گروه نظارتیده اوتگن.
هلمند امنیتی رسمیلری طالبلرنینگ بو ادعالرینی رد قیلگن.
