برشنا شرکتی مسؤول‌لری، کابل برقی‌نی قیین‌چیلیگی بوگون توش‌گچه حل بولیشی‌دن خبر بیره‌دیلر. اولرنینگ ایتیشیچه، قندوز ولایتی قندهاری‌لر منطقه‌سیده‌گی آتیشمه‌لر و نایب‌آباد منطقه‌سیده برق لینی فنی قیین‌چیلیک تاپگنی باعث، بیر هفته‌دن بویان کابل برقی دواملی شکلده پرچاو بوله‌دی.
برشنا شرکتی سوزلاوچیسی وحیدالله توحیدی‌نینگ سلام‌وطندارگه ایتیشیچه، موجود قیین‌چیلیک‌نی حل ایتیش اوچون اوزبیکستان دولتی بیلن علاقه قورگن‌لر و بو مملکت 300 میگاوات برقنی قراردادسیز بوگون افغانستان‌گه وارد قیلیش اوچون قرار قیلگن.
جناب توحیدی‌نینگ ایتیشیچه، قندوز ده وارداتی برق لینی کیسیلگنی سبب، 300 میگاوات برق دن یالغیز 150 میگاوات برق کابل‌گه ییتیشه‌دی و بو مسئله باشکینت یشاوچیلرینی برق کَم‌لیگی قیین‌چیلیگی‌گه روپه‌ره قیلگن.
برشنا شرکتی مسؤول‌لریگه کوره، حاضر کابل شهری اورته شکلده 350 میگاوات برق گه احتیاج دیر و بو جمله‌دن 300 میگاواتی تاجیکستان‌نی وارداتی برقی‌دن و باشقه 50 میگاواتی ایچکی منبع‌لردن تأمین ایتیله‌دی.
