مجلس اعضالری بوگون (دوشنبه) نمایندهلرنینگ عمومی ییعینیده افغانستان و دنیانینگ ۲۹ مملکتی اورتهسیده بولیب اوتگن بیرگهلیک تیکشیریش و نظارت ناملی ۲۰ لمچی دور ییغینی اوتگن کون جمهورلیک سراییده بولیب اوتگنینی قانیقرلی ایمس دیگنلر.
اولرگه کوره، اداری فساد دوسیهلری تیکشیریلمهگنی، دولتی نهادلرده اصلاحات کیلتیریلمهگنی، امنیت تأمین ایتیلمهگنی و ایش زمینهسینی یرهتیش حکومتنینگ جهانی جامعهسیگه بیرگن وعده لریدن ایدی، بیراق حکومت وعدهلریگه عمل قیلالمهگن.
شاهگل رضایینینگ، اوشبو ییغینده حکومت جهانی جامعهسیده ارایه قیلگن حجتلری نا توغری دیر دیگن.
مجلسنینگ باشلیغی عبدالرؤوف ابراهیمی هم اداری فساد دوسیهلریدن هیچ بیری جدی شکلیده تیکشیریلمهگن و ایش سیزلیک و دولتی نهادلرده اصلاحات کیلتیریلمهگنی همان جایده تورگن، قندهی قیلیب حکومت بیرگن وعدهلرینی عملگه آشیردیک دیب ادعا قیلهدی دیدی.
جناب ابراهیمیگه کوره، حکومت جهانی جامعهسیگه بیرگن وعدهلرینی عملی قیلالمهگن.
سالیق وزیری اکلیل حکیمی کابلده خبری ییغین اوتکزیب، جهانی جامعهسیده بیرگن وعدهلری عملگه آشیریلیشی بارهسیده موجود قیینچیلیکلرنی رد قیلمهیدی، بیراق ایتیشیچه، اوشبو ییغینده اشتراک ایتگن مملکتلرنی قانیقتیرگنلر.
جناب حکیمیگه کوره، اوتگن کونگی ییغینده یاردمچی مملکتلر نمایندهلری افغانستانگه مالی یاردملرینی دوام بیریشیگه وعده بیرگنلر و حکومت هم جهانی جامعهسیگه وعدهلری عملی ایتیش بارهسیده تلاش قیلیشلرینی اوغولهگن.