افغانستان کریکت ملی تیمی کاپیتانینینگ اورین باسری راشد آرمان، افغانستاندن کیتیش میش-میشلر و عرب اماراتیگه قاچقینلیک تکلیفینی رد قیلدی.
سلاموطندار بیلن صحبت اوتکزگن راشد آرماننینگ ایتیشیچه، حاضرگچه افغانستاننی ترک ایتیش و عرب بیرلیگی اماراتیده یشش اوچون هیچ بیر قرار آلمهگن.
راشد آرمان، حاضر 18 یاشیده و ننگرهار ولایتیده عایلهسی بیلن بیرگه یشهیدی.
اونینگ ایتیشیچه، سونگی کونلرده عرب اماراتیگه سفر قیلگن، بیراق بو سفریدن مقصد اوی ساتیب آلیش و قاچقینلیک تکلیف قیلیش بولمهگن.
راشد آرمان 2 ییل آلدین افغانستان کریکت ملی تیمیگه قوشیلدی و یخشی شهرت قازانگنیدن کیین، بنگلهدیش، هندوستان و ویستاندیز سوداگرلیک لیگلریگه یول تاپدی و حاضر اینگ یخشی و شهرتلی کریکت اویینچیلریدن بیری سنلهدی.
بوندن آلدین، اجتماعی ترماقلرده ترقهتیلگن میش-میشلرگه کوره، راشد آرمان «آی پی ال» اویینی امتیازینی قولگه کیریتگنیدن کیین، عرب اماراتیده اوی ساتیب آلگن و ناتینچلیک و جانی خوفسیزلیگی یوقلیگی سبب افغانستاندن کیتهدی دییلگن ایدی.