ننگرهارده امیریکه کوچلری بیر آته و ایکی اوغلینی آتیب اولدیرگن. ننگرهار محلی رسمیلری نینگ ایتیشیچه، حادثه بوگون ایرتهلب ساعت بیر یریمده ولایت غنیخیل تومنی نینگ گولایی منطقه سیده امیریکه کوچلری نینگ تشوچی کاروان یول چیکهسیده اورنه تیلگن ماین بیلن دوج کیلگن بیر پیتده روی بیگن.
غنیخیل تومنی حاکمی عبدالوهاب نینگ سلاموطندارگه ایتیشیچه، حادثه روی بیریشی بیلن امیریکه کوچلری تینچ اهالیگه قرهته اوق اوزیشلری نتیجهسیده بیر آته ایکی اوغیلی بیلن جان بیرگن. اونگه کوره، بو تینچ اهالی گولایی منطقهسیده سمنتدن بولوک توزهتر ایکنلر.
غنیخیل تومنی حاکمینینگ ایتیشیچه، حاضرگه قدر پارتلش حادثهسیده جان بیرگن امیریکه کوچلری سانی انیق ایمس.
اسمی سیرسقلنیشینی یاسته گن محل یشاوچیلریدن بیرینینگ سلاموطندارگه ایتیشیچه، آتهلی اوغیللر سمنت قالبلری بیلن بلوک توزهتیش جریانیده امیریکه کوچلری بولرنی آتیب اولدیرگن.
حاضرگه قدر تشقی کوچلر یول چیکهسیده اورنه تیلگن ماین پارتلهنیشی بارهسیده و ۳ تینچ اهالینی اوق بیلن آتیب اولدیرگن بارهسیده بیرنرسه دیمهگن و ننگرهار ولایت رسمیلری هم بوبارهده رسانه لرگه بیرنرسهدیمه گنلر.
