کابل‌ده صنعتچی‌لر و سوداگرلردن بیرقطاری‌نینگ ایتیشیچه، کانلر قراردادی آرتده قالیشی، سالیق آغیرلیگی، ییر کَم‌لیگی و برق اولرنی جدی قیین‌چیلیک‌که روپه‌ره قیلگن.
اوتگن کون «دوشنبه»، کانلر و پترولیم وزیرلیگی و صنعت و سوداگرلیک اتاقلری، کانلرنی قازیب چیقاره‌دیگن شرکت‌لرنینگ قیین‌چیلیک‌لریگه تیکلش و تیکشیریش اوچون «قازیب چیقاریش صنعت بولیمی‌ده‌گی قیین‌چیلیک‌لر و فرصت‌لر» نامی‌ده ییغین اوتکزگن‌لر.
اوشبو ییغینده صنعت و سوداگرلیک اتاقلری اورین باسری خان‌جان الکوزی، حکومت‌دن مملکت‌ده خام ماده‌سی تاپیله‌دیگن و رواجلنیش امکانیتی‌گه ایگه صنع لردن حمایه قیلیشینی سوره‌دی. اونینگ ایشانچی‌گه کوره، بو ایش باشقه‌لر اوچون فعالیت‌گه زمینه یره‌ته‌دی.
جناب الکوزی، کانلر قراردادی آرتده قالیشی‌گه تدارکات لایحه‌سی چیگل‌لیگی سبب بولگن دییدی.
عین حالده، افغانستان تاش صنعتی بیرلیگی باشلیغی حیات‌الله نصرت عزیزی، درامد میزانی کوپه‌یتیریلیشی اوچون مالیه وزیرلیگی‌نینگ ریجه‌سیدن تنقید قیلیب ایتیشیچه، آغیر سالیق، ییر کَم‌لیگی و برق صنعتچیلیک فعالیت‌لری سُستَه‌ییشی‌گه سبب بولگن.
کانلر و صنعت وزیرلیگی سرپرستی نرگس نهان‌نینگ ایتیشیچه، اولر صنعتچی‌لر و سوداگرلرنینگ قیین‌چیلیک‌لرینی حل ایتیش اوچون کانلر قانونی‌نینگ اوزگرتیریش ریجه‌سینی قولگه آلگن‌لر.
کانلر و صنعت وزیرلیگی سرپرستی‌نینگ کوپه‌یتیریشیچه، اوشبو وزیرلیک کانلر بولیمی‌ده شرکت‌لرنینگ سرمایه یاتقزیشی اوچون قرار قیله‌دیگن بیر کمیسیون ایجاد ایتگن.
کانلر و صنعت وزیرلیگی مسؤول‌لری، کانلرنی قازیب چیقاره‌دیگن شرکت‌لرنینگ برچه مسؤول‌لریدن شرکت‌لری‌نینگ برچه اسکونه ماشین‌لری و ایشلاوچی‌لری‌نینگ مذکور وزیرلیک‌ده رویخط‌گه بیریب و قرارداد باغله‌یدیگن چاغده شرکت‌لری قیین‌چیلیک‌که دوچار بولمه‌سینی سوره‌دی.
