.jpg)
افغان امنیتی ملازملری غور ولایتیده داعش اعضاسی نینگ بیر خانهدانی اوشلنگنلیگی بارهسیده خبر بیردیلر. بو عایلهنینگ یریمی قزاقستان و یریمی ایسه پاکستان فقراسی بولگن.
اوشبو خانهدان غور ولایتی نینگ مرغاب منطقهسیگه حرکت قیلگن بیر پیت امنیتی کوچلر آرقهلی قولگه آلینگن.
مذکور ولایت امنیه قوماندانی غلام مصطفی محسنی نینگ سلاموطندارگه ایتیشیچه، اوشبو خانهدان بیر ایرکک، ایکّی عیال و بیر بالهدن عبارت.
مذکور عایله فیروز کوه شهرینینگ مرغابِ منطقهسیده داعش گروهیگه قوشیلیش مقصدی بارلیگینی اعتراف قیلگن.
غور پولیس قوماندانی، اوشبو شخصلر یانیده داعشنینگ تبلیغات موادی همده 46 مینگ پاکستان کلداری بار دیگن.
بوندن نیچه وقت آلدین هم غور ولایت ولایتی کینگشی نینگ اعضالری، داعشگه وفادار جنگریلری جنوب و جنوب غربی ولایتلر آرقهلی مهاجرلر لباسیده فیروز کوه نینگ مرغابِ منطقهسیده جایلشگن لیکلری بارهسیده خواطر بیلدیرگن ایدی.
