افغانستانده دوام تارتگن ایچکی اوروشلر جریانیده اوغیرلنیب کیتیلگن اونلب تاریخی آبده جاپان تامانیدن آلینگن مخصوص بیر ییغین اوتکزیلیشی بیلن کابلده ملی موزیم مسووللریگه تاپشیریلدی.
ملی موزیم عامه علاقهلر عمومی باشلیغی نارشاه کتوازی، ایاغ، باش، تونیکه، گلدان، نقاشلیک وصنعتی اویمه کارلیک آبدهلریدن عبارت 102 تاریخی آبده جاپانلیک پروفیسور یاما آرقهلی نیچه ییلدن بیری اورپا وآسیا دولتلریدن ییغیلگندن سونگ ملی موزیم رسمیلریگه بیریلدی دیگن
جناب کتوازیگه کوره، مذکور تاریخی آبده نینگ کته قمسی میلادی 1990- ییللرده افغانستاندن اروپا دولتلریگه قاچاق ایتیلگن. حاضر ایسه اوشبو تاریخی آبدهلر جاپان همکارلیگی بیلن اون بیش دولت دن ییغیب افغانستانگه تاپشیریلگن.
جناب کتوازی، ملی موزیم حکومت نینگ حمایتی بیلن اوشبو تاریخی آبدهلر سقلنیب قالیشی اوچون بوتونلی تدبیر آلگن لیگیگه اشاره قیلگن.
افغانستانده یوز بیرگن ایچکی اوروشلر جریانیده مملکت نینگ تاریخی آبدهلریدن کمیده 70% قاچاقچیلر آرقهلی چیت دولتلرگه اوغیرلنیب کیتیلگن لیگی ایتیلهدی.