اوروش جریانیده بدنینی نینگ اعضاسینی قولدن بیرگن بغلانلیک سابق حربی عسکرلر جوده یامان وضعیتده کون کیچیره‌دیلر.
سلام‌وطندار ترماغیگه صحبت بیرگن مذکور عسکرلرنینگ ایتیشلریچه، ناگران بولگنلریدن کوپ وقت اوتیشیگه قره‌می، حکومت بولرگه اینگ آز همکارلیک قیلمه‌گن لیگیدن علاوه حتی آیلیکلرینی هم توله‌مه‌گن.
بوندن بیر ییل آلدین مرکزی بغلانده‌گی اوروشده بیر قولی کیسیلگن عسکر محمددین بیر آغیز نان تاپیش اوچون کوکت ساتیش ایشی بیلن مشغول ایکن لیگینی ایتگن.
بوندن بیش ییل اول پارتلشده ایکّی ایاغینی قولدن بیرگن عبدالقدیر، هنوزگچه حکومت تامانیدن هیچ قنده‌ی کومک بولمه‌گن دیگن.
اوشبو عسکرلر، قیش آغیر ایش قیلیشی کوچیگه ایگه ایمس‌لیگنی تیلگه آلگن. اولر حکومت حربی ساحه‌ده بولر اوچون ایش قیلیش زمینه‌سینی یره‌تیب بیرگن حالده، ناگران بولیشیگه قره‌می ینه هم مملکتنی مدافعه قیلیش اوچون تیار ایکنلیکلرینی بیلدیرگن.
ملی اردو مخصوص حربیلری نینگ سوزلاووچیسی جاوید سلیم، ایش و اجتماعی ایشلر وزیرلیگی ناگرانلر آیلیگینی تولش اوچون مسوولیتلی ایکن لیگینی بیلدیرگن.
بوندن آلدین هم مملکتده‌گی اوروشلرده ناگران بولگن حربی عسکرلر حیاتلری یخشی له‌نیشی اوچون حکومت هیچ بیر زمان اعتبار بیرمه‌گن لیگیدن شکایت قیلگن ایدیلر.
