جمهور رییس نینگ بیرینچی اورین باسری عبدالرشید دوستم و احمد ایشچی جنجالینی اونوتمهگن سیز. چمهسی بوندن بیر یریم آی آلدین احمدایشچی عبدالرشید دوستم و اونینگ تن ساقچیلری تامانیدن جنسی تجاوز ایتیلگن لیگی اوستیدن پرده کوتارگن ایدی. اوشبو حادثه جدی عکس صدالر اینیقسه افغانستان حکومتگه یاردم بیره دیگن دولتلرنی هم عکس العملیدن ییراق قالمهدی.
بیرینچیدن بو واقعه جمهور رییسلیک سرایی نینگ بیرینچی اورین باسرلیگی نینگ تاثیری آستیگه کیتیشی کوتیلردی. لیکن هلی ایسه دولت باشقرهلاوچیلیک مسووللری، عبدالرشید دوستم بو ادارهنینگ نامهسیگه جواب بیرمهگن حالده، او بیلن قانون یوزهسیدن یاندهشیلهدی دیگن.
دولت باشقرهلاوچیلیگی نینگ سوزلاووچیسی جمیشد رسولی نینگ سلاموطندارگه بیلدیریشیچه، باشقرهلاوچیلیک جمهور رییس نینگ بیرینچی اورین باسرلیگیگه احمد ایشچی حادثهسی توغریسیده آچیقلیک بیریش اوچون نامه یوبارگن. جناب دوستم بو نامه گه جواب بیرمههگن حالده، «جناب ایشچی دوسیهسینی تیکشیرووچی هیات جمهور رییس بیرینچی اورین باسری بیلن قانون یوزهسیدن یاندهشهدی»
باشقرهلاوچیلیک احمدایشچی دوسیهسینی جدیت بیلن تیکشیریب کیلماقده دیگن جناب رسولی.
حقوقی ایشبیلرمان جناب عبدالکبیر رنجبر، اساسی قانونگه موافق عیبلنگن شخص محکمه گه حاضر بولمهگن حالده، عالی محکمه عیبلنگن کیشینینگ غیابیگه اوز قرارینی اعلان قیلیش صلاحیتیگه ایگه دیگن.
باشقرهلاوچیلیک ادارهسی نینگ نامهسیگه جنرال دوستم جواب بیرمهگن لیگی اوچون اسلامی جنبش حزبی نینگ فکرینی اورگهنیش اوچون سعی وحرکت قیلدیک، اما بو توغریده آلیب باریلگن سعی و حرکتلریمیز نتیجه بیرمهدی.
