قندوز ولایتی نینگ کلبات تومنیده اوتگن کون قوراللی طالبلر حربی رژه اوتکزگن. خبرنی تصدیق ایتگن قندوز ولایتی نینگ محلی رسمیلری، جنگری طالبلر اوتگن کون کیچ ساعت اوچده موترلر و تانگلر بیلن کلبات تومنی نینگ بازاریده حربی کوچ کورستگنلر دیگنلر.
قندوز ولایتی والیسی نینگ سوزلاووچیسی سیدمحمود دانش، افغان ملی کوچلری شهرنینگ اطراف حدودی و باشقه منطقهلرینی جنگری طالبلردن تازهلهش اوچون عملیات اوتکزگن دن کیین، قوراللی طالبلر بوندهی حربی رژه اوتکزگنلرینی سلاموطندارگه ایتگن. لیکن، طالبلرنینگ بو حربی رژهسی محلی حکومت اوچون هیچ قندهی خواطرلی ایمس دیگن جناب دانش. سوزلاووچی، ملی کوچلر ییریک حربی عملیاتلرنی توختهتیب «بهاسی بولمهگن» بوندهی قدرت کورسهتیش آلدینی آلیش اوچون وقت صرفلشلریگه احتیاج یوق دیگن.
نامی فاش ایتیلمسلیک شرطی بیلن سلاموطندار ترماغیگه صحبت بیرگن کلبات تومنی نینگ بیر قنچه یشاووچیسی، طالبلر اوتگن کون چمهسی ایکّی ساعت رنجر، زرهلی تانکلر و آتلرده مینیلگن حالده، آغیر و یینگیل حربی اوسکونهلرین کورستووگه قویدیلر دیگنلر.
اما، ولایت کینگشی نینگ بیر قطار اعضالری، قوراللی طالبلرنینگ بوندهی حربی رژه اوتیشی بیرینچی مرته ایمس لیگینی تیلگه آلگنلر. خلق نمایندهلری، اوتگن آی هم دولت قوراللی مخالفلری بو قبیل ایکّی مرته حربی رژه اوتکزگن لیکلرینی بیلدیریشگنلر. بیراق، مرکزی حکومت بو جنگریلر نابود ایتلیشی اوچون معین لایحه نظرده توتمهگن لیگی ایتیلهدی.
قندوز ولایت کینگشی نینگ اعضاسی غلام ربانی ربانی، مرکزی حکومت قوراللی طالبلرنینگ بوندهی فعالیتی آلدینی آلمهگن حالده، نهایتده بو قبیل حرکتلر افغانستان ملی کوچلری روحیگه سلبی تاثیر قالدیرهدی دیگن.
مملکت شمال شرقیده جایلیشگن قندوز ولایتی نینگ محلی بلند مرتبهلی رسمیلری، جنگری طالبلر حربی رژهسینی بوزیش اوچون شاشیلمسلیک درکار دیگنلر. محلی حکومت مسووللری، کیلگوسی ییل بهار موسومیگه قدر ولایت بوتکول جنگریلردن تازهلهنیشی ممکن دیدیلر.
